Charter Document - 03590588
| Charter Number: | 03590588 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1240 - 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Reginaldus de Fraxino dedi concessi et hac presenti carta mea confirmaui Roberto de Thorneberge clerico et Matilde vxori sue pro homagio eorum et seruicio vnam acram terre cum pertinenciis in Thorneberge iacentem contra croftam ipsius Roberti inter terram hospitalis sancti Iohannis Oxonie et terram Walteri Gofayre Habend et tenend de me et de heredibus meis predictis Roberto et Matilde vxori sue et eorum assignatis de incremento vnius dimidie virgate terre cum pertinenciis quam predictus Robertus prius de me tenuit de feofamento meo proprio per seruicium pertinens ad predictam dimidiam virgatam terre secundum tenorem carte mee ei prius confecte Et sciendum est quod ego predictus Reginaldus et heredes mei et mei assignati totam predictam terram cum omnibus pertinenciis predictis Roberto et Matilde vxori sue et eorum heredibus atque assignatis contra omnes gentes inperpetuum warantizabimus acquietabimus et defendemus Pro hac autem donatione concessione confirmatione et warantizatione dederunt michi predicti Robertus et Matilda viginti solidos in gersumam Vt autem hec mea donatio concessio confirmatio et warantizatio firmitatis robur inperpetuum optineat presentem cartam meam sigilli mei impressione roboraui Hiis testibus domino Stephano de la Haye domino Hugone de Castillun domino Ricardo filio Ricardi Radulfo le Vauassur Willelmo de Billing Ricardo Tripacy Hugone de Heliden Roberto filio Helye Michaele filio eius Iohanne filio Galfridi de Padebur Willelmo de Heliden et aliis
Source (click image below to view full size)
