Charter Document - 03590584
| Charter Number: | 03590584 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1243 - 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Reginaldus de Fraxino filius Willelmi de Fraxino dedi et concessi et hac presenti carta mea confirmaui deo et beate Marie de Luffeld et monachis ibidem deo seruientibus redditum duodecim denariorum annuatim percipiendum de quodam mesuagio in villa de Thorneberge quod quidam Stephanus le messer tenuit deme ad vitam suam et vna cum dicto redditu omne ius et clameum quod habui uel aliquo modo habere potui in dicto mesuagio cum pertinenciis Et in campo de Thorneberge sex acras terre super Hedun que extendunt into Saldesput proximiores terre abbathie de Budlesden cum prato et pertinenciis Tenendum et habendum de me et heredibus meis sibi et successoribus suis in liberam et puram et perpetuam elemosinam libere et quiete ab omnibus que a me uel ab heredibus meis aliquo modo uel aliquo iure uel aliquo casu contingente exigi poterint et sicut aliqua elemosina melius uel liberius poterit dari uel teneri inperpetuum Ego uero dictus Reginaldus et heredes mei predictum redditum vna cum mesuagio et pertinenciis et predictas sex acras terre cum prato et pertinenciis dictis monachis et eorum successoribus contra omnes homines et feminas warantizabimus et ab omnibus que exigi poterint adquietabimus inperpetuum Vt autem hec mea donacio concessio et carte mee confirmacio firma et stabilis inperpetuum perseueret huic presenti scripto sigillum meum apposui in testimonium Hiis testibus Radulfo tunc vicario de Thorneberge Roberto de Westmonasterio Willelmo de Helyden Hugone fratre suo Ricardo Tripaci Iohanne de Paddebur Roberto le Deuenes Michael Goveyr et multis aliis
Source (click image below to view full size)
