Charter Document - 03590583
| Charter Number: | 03590583 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1240 - 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Reginaldus de Fraxino dedi et concessi et hac presenti carta mea confirmaui deo et beate Marie de Luffeld et monachis ibidem deo seruientibus quinque selliones super Hedune iuxta duodecim selliones quas antea habuerunt de me que iacent pro sex acris cum prato pastura et pertinentiis in campo de Thorneberge Tenend et habend de me et heredibus meis sibi et successoribus suis in liberam et puram et perpetuam elemosinam adeo libere quiete pacifice sicuti aliqua elemosina melius uel liberius poterit dari uel teneri Ego uero Reginaldus et heredes mei predictas quinque selliones cum prato pastura et pertinenciis predictis monachis et eorum successoribus contra omnes homines et feminas warantizabimus et ab omnibus que exigi poterint adquietabimus inperpetuum Vt autem hec mea concessio et carte mee confirmacio firma et stabilis inperpetuum perseueret presenti scripto sigillum meum apposui in testimonium Hiis testibus Roberto de Westmonasterio Willelmo de Helyden Hugone fratre suo Roberto Elis Michaele filio suo Iohanne de Paddebury et multis aliis
Source (click image below to view full size)
