Charter Document - 03590580
| Charter Number: | 03590580 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1317 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum peruenerit Radulphus de Fraxino filius Willelmi de Fraxino de Thorneberg salutem in domino sempiternam Noueritis quod ego remisi relaxaui et omnino inperpetuum pro me et heredibus meis seu assignatis meis quibuscunque quietum clamaui fratri Iohanni de Westburi priori de Luffeld et eiusdem loci conuentui totum ius et clamium quod habui vel aliquo titulo iuris habere potui in omnimodis tenementis terris reditibus libertatibus pratis paschuis pasturis et omnibus aliis pertinenciis suis in villa et in campis de Thorneberg que Matilda de Fraxino mater mea quondam tenuit nomine dotis Remisi eciam relaxaui et omnino inperpetuum pro me et heredibus meis seu assignatis quibuscunque quietum clamaui predictis priori et conuentui totum ius et clamium quod habui vel aliquo modo habere potui in omnimodis aliis tenementis terris reditibus libertatibus pratis paschuis pasturis cum omnimodis aliis pertinenciis suis in villa et in campis de Thorneberg que unquam fuerunt Roberti de Fraxino fratris mei vel aliorum antecessorum meorum quorumcunque Ita quod nec ego Radulphus nec heredes mei seu assignati nec aliquis alius nomine nostro aliquid iuris seu clamii in predictis tenementis terris reditibus libertatibus pratis paschuis pasturis et eorum omnibus aliis pertinenciis de cetera exigere seu vendicare poterimus sed ab omni accione et demanda exclusi simus inperpetuum per presentes In cuius rei testimonium huic presenti quietum clamacioni mee sigillum meum apposui Hiis testibus Ricardo de Kenebella de Lethyngberga Willelmo de Kenebelle fratre suo Ricardo de Langeport Roberto de Langeport Willelmo Michel de Thorneberg Hugone de Kyngesbrug de eadem Roberto le Porter de Bechamton et aliis Dat apud Thorneberg die dominica proxima post festum sancti Iohannis ante portam latinam anno regni regis Edwardi filii regis Edwardi decimo
Source (click image below to view full size)
