Charter Document - 03590579
| Charter Number: | 03590579 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1310 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus hoc presens scriptum visuris uel audituris Matilda que quondam fuit vxor Willelmi de Fraxino in Thorneberg salutem in domino sempiternam Nouerit vniuersitas vestra me in propria et legia viduitate mea concessisse relaxasse et omnino quietum clamasse priori de Luffeld et monachis ibidem deo seruientibus totum ius et clamium quod habui uel habere potui in tertiam partem vnius virgate prati in campis de Thorneberg quam partem habui nomine dotis post mortem Willelmi de Fraxino quondam mariti mei quam quidem partem prati cum aliis tenementis que quondam fuerunt Willelmi de Fraxino mariti mei in villa et campis de Thorneberg per foris facturam Roberti de Fraxino filii mei predictis priori de Luffeld et monachis ibidem deo seruientibus post mortem meam de iure reuertere debent Habendam et tenendam predictam tertiam partem prati cum suis pertinencijs predictis priori et monachis libere quiete integre bene et in pace inperpetuum Ita quod ego Matilda nec aliquis alius nomine meo aliquid iuris uel clamij decetero exigere in predicta tertia parte prati seu tenementis prenominatis vendicare possimus set ab omni accione et demanda per presentes exclusi simus inperpetuum In cuius rei testimonium hoc presens scriptum quiete clamancie sigilli mei inpressione roboraui Hiis testibus Hugone de Kingesbruge Henrico de Helidene in Thorneberg Willelmo Michel de eadem Nicholao Aspilun de eadem Iohanne Adam de eadem et aliis Dat apud Luffeld in crastino annunciacionis beate Marie virginis anno regni regis Edwardi filij regis Edwardi tercio
Source (click image below to view full size)
