Charter Document - 03590569
| Charter Number: | 03590569 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1243 - 1247 |
| Date type: | Assigned |
| Resource Link(s): |
|
Charter:
Sciant presentes et futuri quod ego Gunnilda filia Willelmi frankelani de Thorneberge dedi et concessi et hac presenti carta mea confirmaui deo et beate Marie de Luffeld et monachis ibidem deo famulantibus in liberam et perpetuam elemosinam totum tenementum meum quantum michi contingebat hereditarie in villa de Thorneberge de tenemento Willelmi quondam frankelani de Thorneberge patris mei scilicet vnam dimidiam acram into Farnbroc iuxta terram Iohannis Grey et dimidiam partem vnius rode et dimidiam inter le Croftlond et le Franbroc super le Hangindelond vnam rodam et dimidiam iuxta terram Iohannis Gray super sarte Siteresdune vnam rodam iuxta terram Iohannis capellani desuper Manimors in to Markemorwey vnam rodam et dimidiam iuxta terram Rogeri Foliot in crofto duas rodas Tenendum et habendum cum omnibus pertinencijs de me et de heredibus meis predictis monachis et eorum successoribus libere quiete pacifice et integre inperpetuum Reddendo inde annuatim domino feodi tres denarios ad duos anni terminos scilicet ad festum sancte Marie in Marcio tres obolos et ad festum sancti Michaelis pro omni seruicio saluo forinseco Ego uero dicta Gunnilda et heredes mei predictum tenementum cum omnibus pertinencijs predictis monachis et eorum successoribus contra omnes gentes warantizabimus et adquietabimus per predictum seruicium in perpetuum Et vt hec mea donacio concessio et carte mee confirmacio rata et stabilis permaneant hanc presentem cartam meam sigilli mei inpressione roboraui Hijs testibus Reginaldo de Fraxino Roberto de Westmonasterio Rogero Foliot Willelmo de Helidene Ricardo Tripaci Iohanne de Padebur Geruasio et multis alijs
Source (click image below to view full size)
