Charter Document - 03590566

Sciant presentes et futuri quod ego Sibilla filia Iuliane dedi et concessi et hac presenti carta mea confirmaui deo et beate Marie de Luffelde et monachis ibidem deo seruientibus in liberam et perpetuam elemosinam totum tenementum meum cum omnibus pertinencijs in villa de Thorneburgh quantum michi contingebat hereditarie de hereditate Iuliane matris mee de tenemento Willelmi quondam frankelani de Thorneburgh aui mei Videlicet terciam partem vnius rode ad Hacegete inter terram Willelmi clerici et terram Basile et terciam partem vnius rode ad le Mulnewull iuxta terram Basile et terciam partem vnius rode ad Elrenestob iuxta terram Reginaldi de Fraxino et terciam partem vnius rode et dimidie into the Farebroc iuxta terram Matilde de Lillingeston et terciam partem vnius rode ad Markemor inter terram Iohannis de Thorneton et terram Reginaldi de Fraxino et terciam partem vnius rode super Stanihull iuxta terram Basile et terciam partem vnius rode super Ortenotehull que se extendit into Langedone et terciam partem vnius dimidie acre al Coppedemor iuxta viam et terciam partem duorum sellionum in crofto Tenendum et habendum de me et heredibus meis predictis monachis et eorum successoribus libere et quiete pacifice et integre imperpetuum Reddendo inde annuatim vnum denarium ad duos anni terminos scilicet ad festum sancte Marie in Marcio vnum obolum et ad festum sancti Michaelis vnum obolum pro omni seruicio saluo forinseco Ego vero dicta Sibilla et heredes mei dictum tenementum predictis monachis et eorum successoribus contra omnes gentes warantizabimus et acquietabimus per predictum seruicium imperpetuum Et ut hec mea donacio et concessio rata et stabilis imperpetuum permaneat hanc presentem cartam sigillo meo corroboraui et eam in omnibus tenendam propria ac spontanea voluntate mea affidaui His testibus Reginaldo de Fraxino Willelmo et Hugone de Helidene Nicholao cementario Waltero Marescallo Willelmo carpentario Willelmo Cardun Hugone le Frende et multis alijs