Charter Document - 03590565
| Charter Number: | 03590565 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1243 - 1251 |
| Date type: | Assigned |
| Resource Link(s): |
|
Charter:
Sciant presentes et futuri quod ego Hugo faber de Hedindon filius Willelmi Rolond et Alicia vxor mea que fuit filia Hugonis fabri de Hedindon dedimus et concessimus et hac presenti carta nostra confirmauimus deo et beate Marie de Luffeud et monachis ibidem deo seruientibus totum tenementum nostrum cum omnibus pertinenciis in Thorneberge quod habuimus uel habere poterimus de hereditate Willelmi quondam frankelani de Thorneberge et insimul totum ius et clamium quod nobis uel heredibus nostris vllo modo uel vllo tempore uel quocumque casu contingente de predicta hereditate possit inposterum accidere sine vllo retenemento uel ulla reclamacione Tenendum et habendum dictum tenementum cum omnibus pertinenciis suis predictis monachis et eorum successoribus in liberam et perpetuam elemosinam libere et quiete pacifice et integre inperpetuum Reddendo inde annuatim domino feodi quantum ad predictum tenementum de iure pertinere debet et forinsecum seruicium pro omni seruicio et omnibus aliis Nos uero et heredes nostri predictum tenementum cum omnibus pertinenciis suis predictis monachis et eorum successoribus contra omnes gentes warantizabimus adquietabimus ac defendemus et indempnes conseruabimus per predictum seruicium Et vt hec nostra donacio concessio et confirmacio rata et stabilis inperpetuum perseueret huic presenti scripto sigilla nostra apposuimus in testimonium Hiis testibus domino Henrico de Blankfrund Radulfo tunc vicario Reginaldo de Fraxino Rogero Foliot Willelmo de Heliden Hugone fratre suo Ricardo Tripaci et multis aliis
Source (click image below to view full size)
