Charter Document - 03590562
| Charter Number: | 03590562 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1240 - 1247 |
| Date type: | Assigned |
| Resource Link(s): |
|
Charter:
Sciant presentes et futuri quod ego Basile filia Willelmi quondam frankelani de Thorneberge dedi et concessi et hac presenti carta mea confirmaui deo et beate Marie de Luffeld et monachis ibidem deo famulantibus in liberam et perpetuam elemosinam duas acras terre et dimidiam rodam cum pertinencijs in campis de Thorneberge que sic iacent scilicet ad Hachegate vnam rodam iuxta terram Roberti Deueneys et Mulnewul ad vna roda iuxta terram prioris de Luffeld Ad Elrenestube vna roda propinquior priori de tribus rodis Super Pleystede dimidia roda iuxta terram Geruasij Super Stanithull vna roda iuxta terram Rogeri Foliot Ad Chaldeforde vna roda iuxta terram dicti prioris Super Ortnutehull vna roda iuxta terram Reginaldi de Fraxino et in crofto duas rodas Tenendas et habendas predictis monachis et eorum successoribus libere quiete pacifice et integre inperpetuum Reddendo inde annuatim domino feodi tres denarios ad duos anni terminos scilicet ad festum sancte Marie in Marcio tres obolos et ad festum sancti Michaelis tres obolos pro omni seruicio saluo forinseco Ego uero dicta Basile et heredes mei predictam terram predictis monachis et eorum successoribus contra omnes gentes warantizabimus et adquietabimus per predictum seruicium inperpetuum Et vt hec mea donacio concessio et confirmacio rata et stabilis permaneant presentem cartam meam sigillo meo roboraui Hiis testibus Reginaldo de Fraxino Rogero Foliot Willelmo de Helidene Ricardo Tripacy Hugone de Helidene Iohanne de Padebur Geruasio de Thorneberge et aliis
Source (click image below to view full size)
