Charter Document - 03590560
| Charter Number: | 03590560 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Hugo faber de Hedentone filius Willelmi Rolond et Sibilla filia Iuliane vxor mea dedimus et concessimus et hac presenti carta nostra confirmauimus deo et beate Marie de Luffeld et monachis ibidem deo seruientibus in liberam et perpetuam elemosinam totum tenementum nostrum cum omnibus pertinenciis in villa de Thorneberge de tenemento Willelmi quondam frankelani de Thorneberge aui Sibille vxoris mee videlicet terciam partem vnius rode ad Hathegete inter terram Willelmi clerici et terram Basile et terciam partem vnius rode ad le Milnewull iuxta terram Basile et terciam partem vnius rode ad Elrenestob iuxta terram Reginaldi de Fraxino et terciam partem vnius rode et dimidiam into the Farebroc iuxta terram Matilde de Lillingeston et terciam partem unius rode ad Markemor inter terram Iohannis de Thorentone et terram Reginaldi de Fraxino et terciam partem unius rode super Stanihull iuxta terram Baseli et terciam partem vnius rode super Ortenotehull que se extendit into Langedone et terciam partem vnius dimidie acre al Kopedemor iuxta viam et terciam partem duorum sellionum in crofto Tenendum et habendum de nobis et heredibus nostris predictis monachis et eorum successoribus libere et quiete bene et pacifice ac integre inperpetuum Reddendo inde annuatim domino de feodo vnum denarium ad duos anni terminos scilicet ad festum sancte Marie in Marcio vnum obolum et ad festum sancti Michaelis vnum obolum pro omni seruicio saluo forinseco Ego uero dictus Hugo et Sibilla vxor mea et heredes nostri predictum tenementum predictis monachis et eorum successoribus contra omnes gentes warantizabimus et aquietabimus per predictum seruicium inperpetuum Ut et hec nostra donacio et concessio et carte nostre confirmacio rata et stabilis permaneat hanc presentem cartam nostram sigillis nostris roborauimus His testibus Reginaldo de Fraxino Willelmo et Hugone de Helidene Nicholao sementario W marscallo Willelmo carpentario Willelmo Cardun Hugone le Frend et multis aliis
Source (click image below to view full size)
