Charter Document - 03590558
| Charter Number: | 03590558 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1240 - 1248 |
| Date type: | Assigned |
| Resource Link(s): |
|
Charter:
Vniuersis sancte matris ecclesie filijs hanc cartam visuris et audituris Hamo Hasteng filius Humfridi Hasteng salutem Nouerit vniuersitas uestra me caritatis intuitu et pro salute anime mee et antecessorum meorum et successorum dedisse concessisse et hac presenti carta mea confirmasse deo et beate Marie de Luffeld et monachis ibidem deo seruientibus duas uirgatas terre cum omnibus eorum pertinencijs in Thorneberge videlicet vnam uirgatam terre quam Martinus Rutte quondam tenuit et vnam aliam virgatam terre quam Willelmus filius Osberti quondam tenuit in Thorneberge cum Willelmo filio predicti Martini et Roberto filio predicti Willelmi natiuis meis et cum eorum sequelis in liberam et puram et perpetuam elemosinam Tenendas et habendas de me et de heredibus meis predictis monachis de Luffeld et eorum successoribus libere quiete pacifice plenarie et integre ab omni seruicio et demanda seculari tam forinseco quam alio inperpetuum Hanc autem terram predictam sicut predictum est cum omnibus pertinencijs suis infra villam de Thorneberge et extra vna cum hominibus predictis et eorum sequelis ego predictus Hamo Hasteng et heredes mei deo et beate Marie de Luffeld et monachis ibidem deo seruientibus et eorum successoribus warantizabimus contra omnes homines et feminas et defendemus et acquietabimus de omni seruicio sicut predictum est inperpetuum Et ut hec mea donacio concessio et confirmacio firmitatis robur inperpetuum obtineant presentem cartam sigilli mei munimento roboraui Hijs testibus domino Willelmo filio Hamonis Stephano de la Haye Willelmo filio Reginaldi Reginaldo filio eius Iohanne Hasteng Reginaldo de Fraxino Henrico Blancfrunt Willelmo de Heliden Rogero Foliot et alijs
Source (click image below to view full size)
