Charter Document - 03590557
| Charter Number: | 03590557 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1302 - 1303 |
| Date type: | Assigned |
| Resource Link(s): |
|
Charter:
Vniuersis sancte matris ecclesie filiis ad quos presentes littere peruenerint Iohannes filius Iohannis dominus de Woluerton salutem in domino Donacionem et concessionem quas Iohannes filius Alani de Woluerton pater meus per cartam suam fecit deo et ecclesie de Luffeud et religiosis ibidem deo seruientibus de homagio et omnibus aliis seruiciis que Willelmus de Fraxino eidem Iohanni filio Alani facere consueuit pro omnibus terris tenementis et reditibus que de eo tenuit in Thornneberg in comitatu Buk habendum et tenendum eisdem religiosis et suis successoribus in puram et perpetuam elemosinam prout in carta predicta plenius continetur ratum et gratum habiturus concedo et pro me et heredibus meis confirmo Saluo tamen michi et heredibus meis dominio hydagio scutagio et custodia castri Norht pro tanto tenemento debito Volo eciam et concedo pro me et heredibus meis quod omnes terre tenementa redditus seruicia libertates et libere consuetudines que fuerunt Roberto de Fraxino die quo fuit pro felonia suspensus et que terre et tenementa cum pertinenciis eidem Roberto reuerti uel accidere poterunt si superstes fuerit integre remaneant predictis viris reliogiosis de Luffeud et suis successoribus imperpetuum quieta pura et soluta de me et heredibus meis imperpetuum Ita quod nec ego dictus Iohannes nec heredes mei in predictis tenementis et seruiciis ut predictum est aliquid iuris clamii seu calumpnie exigere seu vendicare poterimus in futurum Saluis tamen michi et heredibus meis seruiciis prius exceptis Preterea ego dictus Iohannes obligo me et heredes meos ad warantizandum dictis religiosis de Luffeud et suis successoribus omnia tenementa in forma prescripta contra omnes gentes imperpetuum In cuius rei testimonium presenti scripto sigillum meum apposui Hiis testibus domino Rogero de Teringham domino Iohanne Lyne domino Roberto Malet militibus Willelmo Passelewe Roberto de Eckenhey Iohanne de Tingewyk Iohanne de Kyenebelle Hugone de Stretleye Ricardo de Hockleue Henrico de Northwych Willelmo de Olneye Roberto de Hyntes Willelmo Bragenhame et aliis
Source (click image below to view full size)
