Charter Document - 03590548
| Charter Number: | 03590548 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1254 - 1276 |
| Date type: | Assigned |
| Resource Link(s): |
|
Charter:
Sciant presentes et futuri quod ego dominus Iohannes filius Alani de Wolurinton miles dedi concessi et hac mea presenti carta confirmaui deo et beate Marie de Luffeld et monachis ibidem deo seruientibus homagium Simonis filii Elye de Wolurinton et heredum suorum de vna virgata terre cum pertinenciis in eadem villa quam idem Simon de me quondam tenuit et cum redditu decem solidorum de dicta terra cum pertinenciis proueniencium quem redditum dicti monachi de dicto tenemento percipere consueuerunt ex donacione et concessione antecessorum meorum Tenendum et habendum dictum homagium cum curiarum mearum sectis omnimodis releuiis wardis eschaetis et omnibus aliis que ullo modo uel ullo iure seu aliquo casu contingente racione alicuius persone uel nomine terre seu tenementi predicti cum omnibus pertinenciis michi et heredibus meis pertinentibus seu quibuscumque assignatis meis accidere possint de me et heredibus meis dictis monachis et eorum successoribus libere quiete bene et in pace in liberam puram et perpetuam elemosinam adeo libere quiete et pure sicuti aliqua elemosina melius uel liberius seu purius poterit dari uel teneri Et ego uero dictus dominus Iohannes de Wolurinton miles dictum homagium cum omnibus aliis pretaxatis dictis monachis et eorum successoribus prout antedictum est tam ego quam heredes mei et quicumque mei assignati contra omnes gentes warantizabimus acquietabimus et inperpetuum ubique sicut liberam elemosinam defendemus Vt autem hec mea donacio concessio et carte mee confirmacio robur perpetuum optineant presenti carte mee inpressionem sigilli mei apposui in testimonium Hiis testibus domino Simone de sancto Lycio domino Ricardo de Chastilon domino Willelmo de Bechampton militibus Elya de Tingewik Ricardo Gruscet Simone le botiler Willelmo Russel et aliis
Source (click image below to view full size)
