Charter Document - 03590539
| Charter Number: | 03590539 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1408 |
| Date type: | Internal, Calendar, Regnal |
| Resource Link(s): |
|
Charter:
Hec indentura facta inter Iohannem priorem de Luffeld et eiusdem loci conuentum ex parte vna et Iohannem Mynne de Schaldeston et Agnetam vxorem eius ex altera testatur quod predicti prior et conuentus tradiderunt concesserunt et ad firmam dimiserunt predicto Iohanni et Agnete vxori eius ad terminum vite eorum et eorum diucius viuentis principale messuagium eorum cum gardino et medietatem omnium terrarum quas quondam Iohannes Ykforde de nobis tenuit in Schaldestone Habendum et tenendum predictum messuagium cum medietate omnium terrarum predicto Iohanni et Agnete ad terminum vite eorum et eorum diucius viuentis exceptis reditibus [et] seruiciis liberorum tenencium Reddendo inde nobis et successoribus nostris annuatim decem solidos ad duos anni terminos viz ad festa sancti Michaelis archangeli et annunciacionis beate Marie equis porcionibus et domino regi forinseca seruicia quantum pertinent ad tantas terras et sectam ad curiam nostram Et quilibet eorum herietabit nomine herietti sex solidos et octo denarios Et si contingat dictus redditus fore [aretro] per quindecem dies bene liceat dictis priori et conuentui et eorum successoribus distringere et districciones effugare et abducere quousque eis plenarie fuerit satisfactum Et dictus Iohannes et Agneta dictum messuagium congrue susstentabunt toto termino prenominato et in fine terminorum dictum messuagium in bono statu dimittent sub pena decem marcarum Et dictus Iohannes et Agneta dictum messuagium et dictas terras cum pertinencis nemini dimittent in parte vel in toto ultra spacium vnius anni sine speciali licencia prioris et conuentus Et dicti prior et conuentus reseruent quarteram suam in dicto messuagio cum libero ingressu et egressu sine inpedimento predictorum Iohannis et Agnete Et dicti Iohannes et Agneta arbores ibidem crescentes non prosternent sine visu et deliberacione predicti prioris et conuentus Et si contingat dictus redditus fore aretro per vnum mensem ad aliquem terminum prenominatum vel si vastum factum fuerit in dictis terris et tenemento vel si statum suum alicui dimittent vt prenominatum est sine speciali licencia prioris et conuentus simul cum recuperatione pene prenominate si dictum messuagium non sit bene reparatum ut predictum est bene liceat in omnibus supradictis prefatis priori et conuentui et eorum successoribus reingredi et retinere ut ius suum proprium absque calumpnia seu contradiccione predictorum Iohannis et Agnete Et nos vero dicti prior et conuentus omnia supradicta videlicet messuagium gardinum et medietatem omnium terrarum predictorum Iohanni et Agnete ad terminum vite eorum contra omnes gentes warantizabimus et defendemus In cuius rei testimonium tam predicti prior et conuentus quam Iohannes et Agneta hijs indenturis alternatim sigilla sua apposuerunt Hijs testibus Alano de Ayete domino de Schaldestone Alano filio eius Ricardo de Euerschawe Iohanne Walkote Thoma Ykforde et alijs Dat apud Luffeld duodecimo die mensis augusti anno regni regis Henrici quarti post conquestum nono
Source (click image below to view full size)
