Charter Document - 03590537
| Charter Number: | 03590537 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1206 |
| Date type: | Assigned |
| Resource Link(s): |
|
Charter:
Sciant presentes et futuri quod W prior de Luff omnesque eiusdem loci monachi communi assensu nostro concessimus et presenti carta confirmauimus Nigello de Sald filio Osemundi et heredibus suis illam dimidiam virgatam terre cum omnibus pertinenciis in Sald quam dedit nobis Ricardus filius Nigelli et totam aliam terram quam tenuit de nobis Osemundus pater predicti Nigelli in eadem villa Tenendam de nobis liberam et quietam de omnibus seruiciis que ad nos pertinent Reddendo nobis inde per annum duos solidos et vi denarios ad duos anni terminos scilicet ad festum beate Marie in Marcio xv denarios et ad festum sancti Michaelis xv denarios saluo tamen quod idem Nigellus heredes sui nobis per partes illas iter facientibus hospicium et procuracionem ex propriis sumptibus racionabiliter pro posse suo nobis et seruientibus nostris procurabunt et ad garbas nostras colligendas quas in eadem villa de Salden habemus domum inuenient competentem sicut Osemundus pater predicti Nigelli consueuit His testibus Ricardo filio Walteri milite Roberto de Buadeham Iohanne filio Benedicti Willelmo de Blacvill Henrico coco Willelmo filio Willelmi de Bremincham
Source (click image below to view full size)
