Charter Document - 03590534
| Charter Number: | 03590534 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1317 |
| Date type: | Internal, Feast, Regnal |
| Resource Link(s): |
|
Charter:
Uniuersis sancte matris ecclesie filiis ad quos presens scriptum peruenerit Egidia filia Walteri Heruy de Shaldeston salutem in domino sempiternam Noueritis quod ego pro quadam summa pecunie michi pacata premanibus remisi relaxaui et omnino imperpetuum de me quietum clamaui fratri Iohanni de Westbury priori de Luffelde et eiusdem loci conuentui totum ius et clamium meum quod habui vel aliquo titulo iuris habere potui in quatuor bussellis bladi aut in sexdecim denariis argenti quos de eisdem priore et conuentu annuatim ad terminum vite mee percipere solebam Ita quod nec ego Egidia nec aliquis alius nomine meo in predictis quatuor bussellis bladi aut in predictis sexdecim denariis decetero aliquid ius vel clameum exigere vel vendicare poterimus set ab omni accione et demanda exclusi simus imperpetuum per presentes In cuius rei testimonium quia sigillum meum pluribus est incognitum huic presenti quiete clamancie mee sigillum Roberti de Langeport apponi procuraui Hiis testibus Andrea de sancto Licio Ricardo de Langeport Rogero de sancto Licio de Westbury Willelmo de Kinebelle Rogero de Wendouere Roberto de Langeport Waltero de Stowe et alijs Dat apud Luffelde die iouis proxima post festum sancti Nicholai anno regni regis Edwardi filij regis Edwardi vndecimo
Source (click image below to view full size)
