Charter Document - 03590533

Die dominica proxima post festum sancti Martini episcopi anno regni regis Ricardi secundi post conquestum septimo Ita conuenit inter fratrem Iohannem priorem de Luffeld et eiusdem loci conuentum ex parte vna et Iohannem Yckeford de Schaldeston Cristinam vxorem euis et Thomam filium eorundem ex parte altera videlicet quod predicti prior et conuentus tradiderunt concesserunt et ad firmam dimiserunt prefatis Iohanni Cristine et Thome ad terminum vite eorum et cuilibet eorum diucius viuenti omnia terras et tenementa sua cum pratis pascuis et pasturis cum omnibus pertinencijs in villa et in campis de Schaldeston exceptis reditibus seruicijs homagiis wardis releuijs et fidelitatibus escaetis et sectis curiarum libere tenencium et communi pastura ad sexies viginti oues per totum in campis in boscis in pratis et in omnibus locis vna cum pecudibus domini Habendum et tenendum de predictis priore et conuentu et eorum successoribus omnia predicta terras et tenementa cum pratis pascuis et pasturis cum omnibus suis pertinencijs exceptis reditibus seruicijs homagiis wardis releuijs fidelitatibus escaetis et sectis curiarum libere tenencium et communi pastura ad sexies viginti oues per totum in campis in boscis in pratis et omnibus locis cum proprijs pecudibus domini Iohanni Cristine et Thome ad terminum vite eorum et cuilibet eorum diucius viuenti Reddendo inde annuatim toto tempore prenominato prefatis priori et conuentui et eorum successoribus sexdecim solidos auri uel argenti ad duos terminos anni videlicet ad festa annunciacionis beate Marie et sancti Michaelis archangeli equis porcionibus et sic de anno in annum toto tempore prenominato Et faciendo nichilominus pro predictis priore et conuentu et eorum successoribus per totum tempus supradictum omnia forinseca seruicia et onera quouis modo ad dicta terras et tenementa contingencia quantum pertinet ad tanta tenementa in eadem villa Ac prefati Iohannes Cristina et Thomas crescentes ibidem arbores non debent prosternere quouismodo nisi per visum et liberacionem dictorum prioris et conuentus sed habebunt subboscum et ramiculos pro housbote et heybote ad voluntatem eorum ibidem Ita quod soluant competenter pro claustura Et quilibet eorum cum fuerit principalis tenens post decessum suum dabit dictis priori et conuentui et eorum successoribus melius animal suum nomine herietti Et predicti prior et conuentus infra duos annos proxime post datam presencium sumptibus eorum proprijs edificabunt vnam domum continentem in longitudine tres bayos quibus completis extunc infra annum proxime sequentem eodem modo edificabunt ibidem vnam grangiam continentem in longitudine quatuor bayos Et sic edificatis domibus predicti Iohannes Cristina et Thomas extunc per totum tempus supra dictum eas manutenebunt et congrue sustentabunt sumptibus suis proprijs Et si contingat dictum redditum sexdecem solidorum fore aretro in parte uel in toto post aliquem terminum prenominatum per tres dies extunc bene liceat prefatis priori et conuentui et eorum successoribus in omnibus supradictis terris et tenementis cum suis pertinencijs distringere et districciones retinere et abducere quocumque voluerint loco quousque de arreragijs simul cum damnis plenarie fuerit satisfactum Et si contingat quod nulla sufficiens districcio ibidem inueniri nequierit per vnum mensem uel si vastum factum fuerit in sustentacione domorum uel in aliqua alia parte vel si dicta terra et tenementa seu aliqua parcella eorundem dimissa fuerit alicui seu seruo eorundem aut seruis per predictos Iohannem Cristinam et Thomam sine licencia prioris et conuentus et eorum successoribus in quolibet casu supradicto bene liceat prefatis priori et conuentui et eorum successoribus in omnibus supradictis terris et tenementis cum suis pertinencijs reingredi et ea retinere imperpetuum vt liberum tenementum eorum Et predicti prior et conuentus et eorum successores [cum] omnia supradicta terras et tenementa cum pratis pascuis et pasturis prout supradictum est prefatis Iohanni Cristine et Thome ad terminum vite eorum et cuilibet eorum diucius viuenti in forma supradicta contra omnes gentes warantizabunt durantibus Iohanne Hyckeford Cristina vxore eius seu Thoma filio eorundem aut eorum aliquo superius nominato In cuius rei testimonium vni parti huius indenture penes prefatos priorem et conuentum et eorum successores residenti dicti Iohannes Cristina vxor eius et Thomas filius eorundem sigilla sua apposuerunt alteri vero parti penes prefatos Iohannem Yckeford Cristinam vxorem eius et Thomam filium eorundem remanenti prefati prior et conuentus sigillum eorum commune apposuerunt Hijs testibus Thoma Fizjon Iohanne Stratford Ricardo Baylly de Ewersawe Roberto Austyn Iohanne Walcote et multis alijs Dat apud Luffeld die et anno supradictis