Charter Document - 03590531
| Charter Number: | 03590531 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Manumission |
| Date: | 1260 - 1268 |
| Date type: | Assigned |
| Resource Link(s): |
|
Charter:
Omnibus Christi fidelibus presens scriptum visuris uel audituris Willelmus Baiuel de Saldeston miles salutem in domino sempiternam Nouerit vniuersitas vestra me dedisse et omnino quietum clamasse pro me et heredibus meis et pro salute anime mee et Roise vxoris mee et omnium antecessorum et successorum meorum deo et beate Marie de Luffelde et monachis ibidem deo seruientibus Henricum Cubbel de Saldeston natiuum meum cum omnibus catallis suis et tota sequela sua de se exeunte liberum et quietum ab omni iugo secularis seruitutis Ita quod ego nec heredes mei nec aliquis alius ex parte nostra in persona dicti Henrici neque in catallis suis nec in sequela sua de se exeunte de cetero nichil possimus nomine natiuitatis uel alicuius seruitutis calumpniare nec exigere Vt autem hec mea donacio et quieta clamancia rata et stabilis inperpetuum permaneat hoc presens scriptum sigilli mei inpressione roboraui Hiis testibus Waltero frankelano Ada de Chinnor Iohanne filio Augustini Hugone carpentario de Euersawe Hugone clerico et multis aliis
Source (click image below to view full size)
