Charter Document - 03590529
| Charter Number: | 03590529 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1331 |
| Date type: | Internal, Feast, Regnal |
| Resource Link(s): |
|
Charter:
Die iouis in festo sancti Valentini martiris anno regni regis Edwardi tercij post conquestum quinto ita conuenit inter religiosos viros priorem et conuentum de Luffelde ex parte vna et dominum Robertum de Dunton rectorem ecclesie de Shaldestun ex altera videlicet quod dicti religiosi dimiserunt et tradiderunt dicto domino Roberto ad terminum vite sue et vnius anni proximi post decessum suum vnam virgatam terre in campo de Shaldeston cum pertinencijs quam Simon de Westbury in Shaldeston quondam de nobis tenuit Habendam et tenendam dictam virgatam terre cum pertinencijs predictis de nobis et successoribus nostris predicto domino Roberto ad terminum vite sue et vnius anni post decessum suum Reddendo et faciendo inde annuatim dictis religiosis et eorum successoribus decem solidos argenti ad festa sancti Michaelis et beate Marie in Marcio per equales porciones pro omnibus seruicijs exceptis curiarum sectis et alijs seruicijs debitis et consuetis cum forinseco seruicio domini regis Dictus vero dominus Robertus dictam virgatam terre cum pertinencijs in parte nec in toto termino suo durante nemini tradet nec aliquo modo alienabit Dicti uero religiosi et eorum successores dictam virgatam terre cum pertinencijs predictis dicto domino Roberto ad terminum vite sue et vnius anni post decessum suum proximi sequentis per predicta seruicia et modo supradicto warantizabunt Et post terminum vnius anni post decessum dicti domini Roberti proximi sequentis tota predicta virgata terre cum omnibus pertinencijs suis predictis prefatis religiosis et eorum successoribus plenarie et integre reuertetur In cuius rei testimonium huic indenture partes predicte sigilla sua alternatim apposuerunt Hijs testibus Willelmo le spencer de Saldeston Iohanne frankelein de eadem Henrico de Westbury in Shaldestun Iohanne carpentario de Euershawe et Radulpho Simyly de Chakmor in Euershawe et alijs Datum apud Luffelde die et anno supradictis
Source (click image below to view full size)
