Charter Document - 03590526
| Charter Number: | 03590526 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 - 1267 |
| Date type: | Assigned |
| Resource Link(s): |
|
Charter:
Sciant presentes et futuri quod ego magister Hugo de Stratford pro me et heredibus imperpetuum dedi concessi et hac presenti carta mea confirmaui Hugoni de Selueston le mercer in Saldeston pro homagio et seruicio suo et pro quadam summa pecunie quam dictus Hugo michi dedit premanibus vndecim seliones terre arabilis in campis de Saldeston cum omnibus pertinencijs suis proximiores scilicet le Coppedemore in cultura que vocatur Rinehulle quas videlicet Walterus Herui de Saldeston pro seruicio meo et pro quadam summa pecunie michi dedit secundum quod carta mea a dicto Waltero inde michi confecta plenius proportat Tenend et habend de me et heredibus meis dicto Hugoni et heredibus suis et cuicumque eas dare vendere legare vel assignare voluerit libere quiete bene et integre imperpetuum Reddendo inde singulis annis ad festum natiuitatis sancti Iohannis baptiste michi et heredibus meis vnum florem rose pro omnibus seruicijs consuetudinibus et exaccionibus secularibus Et ego predictus magister Hugo et heredes mei ac successores mei totam predictam terram cum omnibus pertinencijs suis dicto Hugoni et heredibus suis et suis assignatis contra omnes gentes warantizabimus Et ut hec mea donacio concessio et presentis carte mee confirmacio pro me et heredibus meis perpetuam optineat firmitatem hanc presentem paginam inpressione sigilli mei duxi roborandam Hijs testibus domino Iacobo le Saluage Simone de sancto Licio militibus Iordano de Seintliz de Westbury Waltero Bastard de eadem Adamo de Cennore de Saldeston Waltero frankelano Iohanne Austin de eadem et alijs
Source (click image below to view full size)
