Charter Document - 03590524
| Charter Number: | 03590524 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1270 - 1290 |
| Date type: | Assigned |
| Resource Link(s): |
|
Charter:
Noscant vniuersi Christi fideles quod hec est conuencio facta inter priorem et conuentum de Luffeld ex vna parte et Adam Carpentarium de Saldeston ex altera videlicet quod dictus Adam concessit tradidit ac dimisit dictis priori et conuentui quatuor acras terre cum pertinenciis quas a dictis priore et conuentu tenuit ad terminum vite sue in campis de Saldeston et vnum croftum quod uocatur Scepehus Croft et vnam acram terre et tres rodas quas tenuit de domino Willelmo Bayuel ad terminum uite sue in dictis campis videlicet quod dicti prior et conuentus totam antedictam terram ad medietatem garbarum seminabunt omnino sumptibus suis ad totam uitam antedicti Ade Carpentarii Concesserunt etiam dicti prior et conuentus dicto Ade medietatem garbarum duarum acrarum et dimidie in antedictis campis illarum scilicet quas quietas clamauit antedictis priori et conuentui Ita tamen quod tempore congruo collectis fructibus et adunatis inter dictos priorem et conuentum et dictum Adam equanimiter dividentur Concessit autem dictus Adam quod cum contigerit ipsum ab hac luce discedere omnem partem suam garbarum in supradicto crofto existentem pro salute anime sue domui de Luffeld remanere Dictus uero Adam totam partem suam tam garbarum quam feni alibi sibi prouenientem quocumque tempore uoluerit ad uoluntatem suam legabit distribuet et disponet Concesserunt autem dicti prior et conuentus dicto Ade domum illam cum curtilagio ad totam uitam suam videlicet illam quam de dictis priore et conuentu tenuit in villa de Saldeston ut illam habeat liberam et quietam ab omni seculari seruicio quoad uixerit Dicta uero sellio dicte domui adiacens modo quo supra et forma dicta seminabitur et partietur Ad hec omnia fideliter seruanda et tenenda tam dicti prior et conuentus quam dictus Adam alternatim presentibus scriptis ad modum cirographi confectis signa sua apposuerunt in testimonium Hiis testibus Willelmo de Stretford Iordano de sancto Lycio Iordano Bastard Waltero frankel Iohanne filio Augustini Willelmo Caperun Hugone Gosseby et aliis
Source (click image below to view full size)
