Charter Document - 03590518
| Charter Number: | 03590518 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1260 - 1268 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus Bayuel dominus de Saldeston filius Willelmi filii Willelmi Bayuel concessi et hac presenti carta mea confirmaui Hugoni mercenario de Selueston totam terram cum mesuagio et cum omnibus pertinenciis suis quam adquisiuit uel adquirere poterit infra uillam de Saldeston et extra de feodo meo Tenenda et habenda in omnibus libertatibus et communitatibus sibi et heredibus suis uel cuicumque et quibuscumque et ubicumque dare uendere legare uel aliquo modo impignorare voluerit qua hora et quo tempore sibi placuerit absque aliquo inpedimento et nocumento mei uel heredum meorum libere et quiete a sectis curie mee et ab omnibus que aliquo modo uel aliquo iure a me uel ab heredibus meis exigi poterunt inperpetuum Concedo eciam pro me et pro heredibus meis quod dictus Hugo nec heredes sui nec quicumque sui assignati vexentur nec aliquo modo distringentur super aliquod tenementum de feodo meo ex quacumque causa facto uel debito dominorum suorum Pro hac autem concessione et carte mee confirmacione dedit michi dictus Hugo quinque solidos sterlingorum in geresumma Vt autem hec mea concessio et carte mee confirmacio rata et stabilis inperpetuum perseueret huic presenti scripto sigillum meum apposui in testimonium Hiis testibus domino Symone de sancto Lycio domino Hugone de Chastilun Iordano de sancto Lycio Waltero le frankeleyn Waltero Hereui Galfrido Hereui Iohanne filio Augustini Et multis aliis
Source (click image below to view full size)
