Charter Document - 03590517

Sciant presentes et futuri quod ego Walterus Angevyn filius quondam Hervici de Saldeston pro me et heredibus meis inperpetuum dedi concessi et hac presenti carta mea confirmaui Hugoni mercenario de Selueston manenti in Saldeston pro humagio et seruicio suo quatuordecim acras terre mee arabilis et dimidia acra in campis de Saldeston cum capitibus dicte terre adiacentibus cum omnibus pertinenciis suis scilicet in campo orientali septem acras et dimidiam Quarum vna acra iacet contra croftum de Huntemilne inter terram Simonis prepositi de Saldeston ex vna parte et terram Ricardi Playdur de eadem ex altera vna acra iacet super Stanidelforlong inter terras predictorum Simonis et Ricardi vna acra iacet ad Horspol contra Rynehill inter terras predictorum Simonis et Ricardi vna acra iacet super Waldefurlong inter terras predictorum Simonis et Ricardi vna acra iacet contra Holemorslade inter terras predictorum Simonis et Ricardi vna dimidia acra iacet super le Waldefurlong inter terram Roberti filii Henrici de Saldeston et terram Agnetis matris eius vna dimidia acra iacet contra nouum fossatum contra le Plasse inter terras predictorum Roberti et Agnetis vna dimidia acra iacet contra le Wodeweye apud le Plasse inter terram Ricardi predicti et terram predicti Walteri Hervi Et vna acra iacet ad Ouerenomanshill inter terras predictorum Simonis et Ricardi abbutat se into Wodeweye In campo scilicet occidentali vna dimidia acra iacet citra nouum fossatum et abbutat se into Wodeweye inter terram Walteri franckelani de Saldeston et terram ecclesie eiusdem uille vna acra iacet citra nouum fossatum vltra le Hamme inter terras predictorum Simonis et Ricardi due rode iacent in Katerigesslade ad capud de Houeregreneweye inter terram dicte ecclesie et terram Willelmi caretarii de Saldeston due rode iacent citra Katerigesheg inter terram predictorum Roberti et Agnetis dimidia acra iacet contra campum de Evereshawe ultra le Houeregreneweye inter terram Radulphi pistoris de Saldeston et Walteri Achard de eadem vna acra iacet citra campum de Heueresawe apud Houeregreneweye inter terram predictorum Simonis et Ricardi dimidia acra iacet super Longum citra campum de Eueressawe et abbutat se super foreram Michaelis Champion inter terram predictorum Roberti et Agnetis vna acra iacet ad Bradethorn vltra le Hamme inter terras dictorum Simonis et Ricardi dimidia acra iacet super Costowe et abbutat se super le Hangendelond inter terram predictorum Ricardi et Walteri Hervi et vna acra ad Plasse iacet inter terras predictorum Simonis et Ricardi abbutans se into Wodeweye pro quinque marcis argenti quas mihi dedit dictus Hugo premanibus in gersumma Tenend et habend de me et heredibus meis dicto Hugoni et heredibus suis uel cuicunque eas dare uendere legare uel assignare uoluerit libere quiete bene et in pace in omnibus libertatibus et aysiamentis dicte terre pertinentibus infra uilla et extra et in omnibus locis Reddendo inde annuatim michi et heredibus meis quinque denarios argenti ad festum sancti Iohannis baptiste pro omnibus seruiciis consuetudinibus sectis curie et demandis secularibus saluo forinseco seruicio ad tantam terram pertinente Et ego dictus Walterus et heredes mei totam predictam terram cum capitibus predictis et cum omnibus pertinenciis dicto Hugoni et heredibus suis uel suis assignatis contra omnes gentes per predictum seruicium warantizabimus defendemus et inperpetuum acquietabimus Et ut hec mea donacio et presentis carte mee confirmacio rata et stabilis perseueret inperpetuum hanc presentem cartam inpressione sigilli mei roboraui Hiis testibus domino Willelmo Bayuell de Saldeston Iordano de sancto Lycio de Westbyr Waltero Bastard Rogero de Stratford Waltero franckelano de Saldeston Iohanne filio Augustini de eadem Hugone clerico de Eueressawe Hugone carpentario de eadem et aliis