Charter Document - 03590513
| Charter Number: | 03590513 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Acknowledgment |
| Date: | 1245 - 1247 |
| Date type: | Assigned |
| Resource Link(s): |
|
Charter:
Sciant omnes has litteras audituri et visuri presentes et futuri me Walterum de Scaldeston et heredes mei prouenientes de vxore mea Auelina obligasse nos per hanc cartam sigillo meo signatam ad soluendum imperpetuum sex solidos sterlingorum et undecim denarios et vnam libram cimini domino priori et conuentui de Luffeld et eius successoribus de vna virgata terre cum pertinenciis in Saldeston et de vno mesuagio cum pertinenciis in eadem villa post obitum Willelmi carectarii de Saldeston qui predictam terram et prenominatum mesuagium cum pertinenciis in tota vita sua tenet et sciendum quod Radulfus capellanus vicarius de Evershawe predictam terram cum mesuagio et cum cunctis pertinenciis dedit michi cum sorore sua Auelina in liberum maritagium Terminus solucionis talis est ad Nathale domini vnam libram cimini ad festum beate Marie in Marcio quadraginta denarios ad festum sancti Michaelis xl denarios et ad festum sancti Thome apostoli iii denarios Et ne ego et heredes mei in aliquo fidem offendentes contra solucionem predicti redditus ad predictos terminos quamuis predicta terra perquisita fuerit de antecessoribus meis temere venire presumauerit Huic scripto sigillum meum dignum duxi apponere in testimonium Hec autem predicta sine dolo tenenda et sine difficultate et aliqua contradiccione pro me et heredibus meis affidaui Preterea si ego uel heredes mei in aliquo fidem offendentes contra solucionem predicti redditus et contra voluntatem predictorum prioris et conuentus temere et maliciose venientes post duos terminos solucionis a solucione predicta cessauimus nos subicimus nos iurisdiccioni archidiaconi loci omni apellacione cessante penam decem marcarum committentes videlicet quod ordinarius loci exerceat contra nos censuram ecclesiasticam omni appellacione cessante donec ego vel heredes mei predicto priori et conuentui siue successoribus suis et de reditibus et de pena satisfecerimus His testibus domino Willelmo Bayuel de Saldeston Herui de eadem villa Waltero filio eius Willelmo domino de Euersau Willelmo frankelano Nicholao clerico eiusdem ville et multis aliis
Source (click image below to view full size)
