Charter Document - 03590512
| Charter Number: | 03590512 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Memorandum |
| Date: | 1294 |
| Date type: | Internal, Feast, Regnal |
| Resource Link(s): |
|
Charter:
Memorandum quod in festo sancti Mathei anno regni regis Edwardi filii regis Henrici vicesimo secundo redditus quatuor solidorum et seruicia debita et consueta vnde vnum mesuagium et vna virgata terre cum pertinenciis in Schaldeston onerantur et cuius tenementi Amabilla Heruy et Roesia soror sua heredes existunt videlicet illius porcionis per eorum predecessores non alienate per ordinacionem Iohannis de Tyngwik et Radulphi Cok ex parte prioris et conuentus de Luffeld electorum et Radulphi de sancto Licio et Iohannis de Morton ex parte dictarum sororum electorum in forma que sequitur proporcionantur scilicet toto mesuagio decem denarios ad solucionem annui redditus quatuor solidorum et nouemdecim acris terre tres solidos et duos denarios videlicet cuilibet acre duos denarios de quibus dicte sorores respondeant in perpetuum dictis religiosis terminis statutis de viginti sex denariis obolo et quadrata videlicet pro mesuagio suo sex denariis obolo et quadrata et pro decem acris terre viginti denariis Et dicti religiosi de residuis viginti vno denariis et quadrata teneant se solutos in perpetuum videlicet de tribus denariis et quadrata pro porcione sua quam habent de dicto mesuagio et de octodecim denariis pro nouem acris terre quam tenent de dicta virgata terre Et pariter de certo forinseco seruicio totum dictum mesuagium oneratur annuatim de tribus denariis et quelibet acra de vno obolo vnde dicte sorores respondeant in perpetuum de sex denariis et obolo videlicet pro suo mesuagio de duobus denariis et pro terra de quatuor denariis et obolo Et dicti religiosi de residuis quinque denariis et obolo onerantur videlicet de vno denario pro eorum parte mesuagij et de quatuor denariis et obolo pro terra Et de omnibus aliis demandis veluti scutagio tallagio seu alia collecta superueniente respondeant ambe partes pro sua tenura Et de tribus solidis annui redditus vnde vna dimidia virgata terre oneratur de qua dicte sorores sunt heredes remaneant dicte sorores onerate quia nichil dicti religiosi inde tenere clamant In cuius rei memoria dicti quatuor electi presenti memorando signa sua apposuerunt Actum apud Luffeld in presencia Abbatis de Butlesden Radulfi de Langport Iordani Bastard Roberti de la More et aliorum die et anno predictis
Source (click image below to view full size)
