Charter Document - 03590508
| Charter Number: | 03590508 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 - 1268 |
| Date type: | Assigned |
| Resource Link(s): |
|
Charter:
Sciant presentes et futuri quod ego Galfridus filius Heruici de Shaldeston dedi concessi et hac presenti carta confirmaui Willelmo de Braunfeld pro seruicio suo duas acras terre mee cum omnibus pertinenciis suis in campis de Shaldeston In campo orientali vnam acram scilicet dimidia acra ad Fuleforde inter terras Willelmi fabri et Willelmi Harnebur et dimidia acra in Waldfurlong inter terras Willelmi Gailard et Willelmi Harnebur Et in campo occidentali vnam acram scilicet dimidia acra into ye Wudeweie inter terras Willelmi fabri et Walteri Achard et dimidia acra ad Cheldewelle inter terras Willelmi Harnebur et Willelmi Gailard Tenendas et habendas de me et heredibus meis predicto Willelmo et heredibus suis uel cuicumque dare assignare uel legare uoluerit libere quiete bene et in pace inperpetuum Reddendo inde annuatim michi et heredibus meis ipse et heredes uel assignati sui tres obolos argenti ad duos terminos anni scilicet ad festum sancti Martini vnum denarium et ad Natiuitatem sancti Iohannis baptiste vnum obolum pro omni seculari seruicio exactione consuetudine sectis cuiuslibet curie et demanda Et ego predictus Galfridus filius Heruici et heredes mei predictas duas acras terre cum omnibus pertinenciis suis predicto Willelmo de Braunfeld et heredibus suis uel cuicumque dare assignare uel legare uoluerit contra omnes gentes warantizabimus et de omnibus forinsecis seruiciis per predictum seruicium aquietabimus et defendemus inperpetuum Pro hac autem donacione concessione et carte mee confirmacione dedit michi dictus Willelmus premanibus sexdecim solidos sterlingorum ad maximum meum negocium scilicet ad deliberandum me de iudaismo Et ut hec mea donacio concessio et confirmacio robur perpetuitatis optineat presens scriptum sigilli mei impressione roboraui Hiis testibus domino Willelmo Baiuel Waltero filio Heruici Iohanne Austin Waltero le frankelein Roberto Benepere Ada carpentario Ada de Chinoure et multis aliis
Source (click image below to view full size)
