Charter Document - 03590507
| Charter Number: | 03590507 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 - 1268 |
| Date type: | Assigned |
| Resource Link(s): |
|
Charter:
Sciant presentes et futuri quod ego Galfridus filius Heruici de Saldeston dedi concessi et hac presenti carta confirmaui Willelmo de Braunfeld pro seruicio suo vnam acram terre mee cum omnibus pertinenciis suis in campis de Saldeston scilicet dimidia acra in campo occidentali super Longelondes iuxta terram Willelmi Harnebur et dimidia acra in campo orientali scilicet ad Dolmede iuxta terram dicti Willelmi Habendam et tenendam de me et heredibus meis predicto Willelmo et heredibus suis uel cuicunque ubicunque et quandocunque dare uel assignare uoluerit libere et quiete bene et in pace et hereditarie inperpetuum Reddendo inde annuatim michi et heredibus meis ipse et heredes uel asignati sui vnum obolum argenti scilicet ad natiuitatem sancti Iohannis baptiste pro omni seculari seruicio consuetudine exactione secta cuiuslibet curie secularis et demanda Et ego predictus Galfridus filius Heruici et heredes mei predictam acram terre cum omnibus pertinenciis suis predicto Willelmo et heredibus uel asignatis suis ut predictum supra contra omnes gentes per predictum seruicium warantizabimus aquietabimus et defendemus Pro hac autem donacione concessione et confirmacione dedit michi predictus Willelmus premanibus octo solidos sterlingorum ad deliberandum me de iudeismo Et ut hec mea donacio concessio et confirmacio robur perpetue firmitatis optineat presens scriptum sigilli mei impressione roboraui Hiis testibus domino Willelmo Bayuel Iordano de sancto Licio Michaele de Warewik Waltero le franckelein Iohanne filio Augustini Ada de Chinoure Hugone mercatore et aliis
Source (click image below to view full size)
