Charter Document - 03590497
| Charter Number: | 03590497 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1278 - 1282 |
| Date type: | Assigned |
| Resource Link(s): |
|
Charter:
Omnibus Christi fidelibus hoc presens scriptum visuris uel audituris Amabilia que fuit uxor Galfridi filii Heruici de Schaldiston eternam in domino salutem Nouerit vniuersitas vestra me in ligia viduitate mea dedisse concessisse et omnino quietum clamasse pro me et heredibus meis deo et beate Marie de Luffeld et monachis ibidem deo seruientibus vnam acram terre mee in campis de Schaldiston cum pertinenciis quarum vna dimidia acra iacet super Le Hamme uersus Ewerssawe iuxta terram Galfridi filii Dobbe et vna alia dimidia acra iacet super Bradewell uersus Honthemulle iuxta terram Galfridi filii Dobbe Tenend et habend dictam acram terre cum pertinenciis suis libere quiete bene et in pace in perpetuum dictis priori et monachiis et eorum successoribus in liberam puram et perpetuam elimosinam adeo libere et quiete sicuti aliqua elimosina melius seu liberius poterit dari uel teneri Pro hac autem donacione relaxacione et quieta clamacione relaxaverunt michi dicti prior et conuentus sexdecim solidos pro areragiis quatuor solidorum annui redditus et vnius libri piperis a termino sancti Michaelis anno regni regis Edwardi sexto usque ad terminum sancti Michaelis anno regni regis Edwardi decimo videlicet quatuor annorum plenarie completorum Et ego uero dicta Amabilia et heredes mei uel mei assignati dictam acram terre cum pertinenciis dictis priori et monachis et eorum successoribus contra omnes gentes warantizabimus acquietabimus et ubique in perpetuum defendemus In cuius rei testimonium huic presenti scripto sigillum meum apposui Hiis testibus Waltero frankelano Iohanne Austin Willelmo fabro Willelmo Caperon Radulfo filio Simonis prepositi Et multis aliis
Source (click image below to view full size)
