Charter Document - 03590495
| Charter Number: | 03590495 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 - 1268 |
| Date type: | Assigned |
| Resource Link(s): |
|
Charter:
Sciant presentes et futuri quod ego Galfridus filius Heruici de Saldeston dedi et concessi et hac presenti carta mea confirmaui Hugoni mercenario de Selueston pro homagio et seruicio suo vnum mesuagium in Saldeston scilicet illud mesuagium quod Galfridus Le Brid aliquando tenuit et scitum est inter mesuagium quod Robertus Boneper de me tenuit et mesuagium meum per certas bundas et metas inter nos mensuratas cum duabus acris terre in campis de Saldeston Scilicet in campo orientali prima dimidia acra iacet iuxta foreram Willelmi filii Walteri Alexand contra le Stanidelforlong et continet in se due seyliones vna forera iacet contra Foxenhulleslad et abuttat se contra Huntemilnewey iuxta terram Walteri Achard In campo uero occidentali prima dimidia acra iacet super Smerenhull inter terras Willelmi filii Walteri et Willelmi fabri alia dimidia acra iacet contra le Rugewey et abuttat se contra Katerigheslade inter terras Willelmi filii Walteri et Hugonis ad portam Tenend et habend de me et heredibus meis sibi et heredibus suis uel ubicunque et cuicunque dare vendere legare uel assignare voluerit libere et quiete bene et in pace in omnibus libertatibus dicto mesuagio et terre pertinentibus Reddendo inde annuatim michi et heredibus meis ille et heredes sui siue sui assignati duos denarios ad pentecosten pro omnibus secularibus seruiciis consuetudinibus et demandis michi et heredibus meis pertinentibus saluo seruicio domini regis scilicet quantum pertinet tante terre de eodem feodo Ego uero Galfridus filius Heruici et heredes mei predictum mesuagium cum predictis duabus acris terre cum pertinenciis sicut predictum est dicto Hugoni et heredibus suis siue sui assignati contra omnes gentes per predictum seruicium inperpetuum warantizabimus et defendemus Pro hac autem donatione et carte mee confirmatione et warantizatione dedit michi dictus Hugon viginti quinque solidos sterlingorum premanibus in gersumma ad magnum negotium meum Et vt hec mea donatio concessio et presentis carte mee confirmatio rate et stabiles inposterum perseuerent presentem cartam sigilli mei inpressione roboraui Hiis testibus domino Willelmo Bayvel Iordano de Sancto Licyo Waltero Bastard Waltero Heruici Waltero franckelano Iohanne filio Augustini Rogero de Stratford et aliis
Source (click image below to view full size)
