Charter Document - 03590490
| Charter Number: | 03590490 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1220 - 1225 |
| Date type: | Assigned |
| Resource Link(s): |
|
Charter:
Vniuersis sancte matris ecclesie filijs ad quos presens scriptum peruenerit Walterus Baiuel filius Willelmi Baiuel salutem Nouerit uniuersitas uestra me cum corpore meo et pro salute anime mee et anime patris mei et matris mee et omnium predecessorum et successorum meorum dedisse deo et beate Marie de Luff monachis ibidem deo seruientibus in puram et perpetuam elemosinam unam uirgatam terre in uilla de Saldeston cum omnibus pertinentijs suis illam scilicet que fuit Hugonis filij Walteri de Saldeston quam emi de Hugone Baiuel auunculo meo et unum mesuagium in eadem uilla quod Ricardus karetarius tenuit quod Willelmus Baiuel pater meus michi dedit Habenda et tenenda libere et quiete in omnibus reddendo inde annuatim heredibus Hugonis Baiuel unam libram cimini et tres denarios ad Natale domini pro omni seruicio et exaccione saluo regali seruicio et heredibus Willelmi Baiuel patris mei unam libram cimini ad Natale domini pro omni seruicio sicut carte donatorum quas predicti monachi inde habent testantur Et ut hec mea donacio rata permaneat illam sigilli mei munimine corroboraui Hijs testibus Iohanne de Hulecote Willelmo Baiuel fratre meo Willelmo de Strafford Roberto Baiuel clerico Radulfo de Straford clerico Rogero de Stafford Iacobo de Westbir forestario Willelmo le franceis Roberto le Waleis Augustino de Saldestun Radulfo le frankelein et alijs
Source (click image below to view full size)
