Charter Document - 03590488
| Charter Number: | 03590488 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 - 1268 |
| Date type: | Assigned |
| Resource Link(s): |
|
Charter:
Sciant presentes et futuri quod ego Walterus filius Hereuici de Saldeston dedi concessi et hac presenti carta mea confirmaui deo et beate Marie de Luffeud et monachis ibidem deo seruientibus intuitu pietatis et caritatis et pro salute anime mee et antecessorum et successorum meorum mesuagium meum cum croftis et cum omnibus pertinenciis suis et totam terram meam et pratum cum pertinenciis infra villam et extra de Saldeston et seruicium liberorum tenencium meorum tam in reditibus quam in homagiis et omnibus aliis eschaetis que michi uel heredibus meis aliquo modo uel aliquo iure uel aliquo casu contingente accidere possint Tenendum et habendum sibi et successoribus suis et in pace inperpetuum possidendum absque vlla reclamacione uel inpedimento mei uel heredum meorum uel alicuius alterius nomine nostro faciendo seruicium debitum domino regi et domino feodi Pro hac autem donacione concessione et carte mee confirmacione dederunt michi dicti prior et conuentus de Luffeud sex marcas argenti et vnum quarterium frumenti premanibus in gersuma Vt autem hec mea donacio concessio et carte mee confirmacio rata et stabilis inperpetuum perseuerent huic presenti scripto sigillum meum apposui in testimonium Hiis testibus domino Willelmo Bayuel domino Rogero Heris tunc rectore ecclesie de Saldeston domino Luca tunc vicario de Euersawe Waltero frankelano de Saldeston Iohanne filio Augustini eiusdem ville Ada carpentario Hugone mercenario Et multis aliis
Source (click image below to view full size)
