Charter Document - 03590486
| Charter Number: | 03590486 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1220 - 1225 |
| Date type: | Assigned |
| Resource Link(s): |
|
Charter:
Vniuersis sancte matris ecclesie filiis tam presentibus quam futuris Willelmus Baiuel de Saldeston salutem Noscat vniuersitas uestra me assensu vxoris mee Murielis et heredum meorum concessisse donacionem quam pater meus Walterus Baiuel fecit deo et sancte Marie de Luffeld et fratribus ibidem deo seruientibus scilicet terram quandam de Saldeston cum pertinenciis que vocatur Aldewic in perpetuam elemosinam liberam et quietam ab omnibus secularibus seruiciis et exaccionibus Et similiter communem pasturam de Saldeston ad sexcies xx oves per totum in campo in bosco in prato et in omnibus locis cum meis propriis pecudibus bene et in pace et absque contrario et nocumento et malo ingenio quod aliquo modo fieri poterit prenominatis ouibus uel custodi illarum Preterea dedi et concessi decimam panis tocius domus mee de proprio lucro meo deo et predictis fratribus de Luffeld omnibus diebus vite mee pro animabus patris mei et matris mee et omnium antecessorum meorum et successorum Et ut hec concessio et donacio stabiliter permaneat sigillo meo dignum duxi confirmare His testibus Iohanne de Holocote milite Hugone Baiuel Willelmo Bussel Roberto de Billing Henrico Pege Radulfo Wither Radulfo le Megre Roberto le venur et aliis
Source (click image below to view full size)
