Charter Document - 03590484
| Charter Number: | 03590484 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 - 1268 |
| Date type: | Assigned |
| Resource Link(s): |
|
Charter:
Sciant presentes et futuri quod ego Walterus filius Heruici de Saldeston dedi et concessi et hac presenti carta mea confirmaui domino Willelmo Bayuel domino de Saldeston pro homagio et seruicio suo vnam acram terre arrabilis super Ruenhull iuxta acram dicti Willelmi Bayuel quam emit de Galfrido fratre meo Tenend et habend de me et heredibus meis sibi et heredibus suis uel cuicumque dictam terram dare vendere legare uel assignare uoluerit libere et quiete bene et in pace et hereditarie inperpetuum Reddendo inde annuatim michi et heredibus meis ipse et heredes sui uel sui assignati vnum obolum ad Nathale domini pro omnibus secularibus seruiciis consuetudinibus sectis et exaccionibus michi et heredibus meis pertinentibus Ego uero predictus Walterus et heredes mei predictam acram terre cum suis pertinenciis predicto domino Willelmo Bayuel et heredibus suis uel cuicumque dictam terram cum suis pertinenciis dederit vendiderit assignauerit uel legauerit contra omnes gentes inperpetuum warantizabimus et defendemus Pro hac autem donatione concessione et warantizatione dedit michi predictus dominus Willelmus Bayuel dimidiam marcam argenti premanibus in gersuma Vt autem hec mea donatio concessio et carte mee confirmatio inperpetuum perseueret huic presenti scripto sigillum meum apposui Hiis testibus domino Symone de sancto Licio Iordano de sancto Licio de Westbur Waltero Bastard Thoma de sancto Germano de Torueston Willelmo franckelano de Saldeston Johanne filio Augustini et multis aliis
Source (click image below to view full size)
