Charter Document - 03590481
| Charter Number: | 03590481 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1260 - 1265 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum peruenerit dominus Willelmus Bayuel filius domini Willelmi Bayuel dominus de Saldeston salutem in domino sempiternam Noueritis me concessisse et hac presenti scripto meo confirmasse pro salute anime mee et Royse vxoris mee et omnium antecessorum et successorum meorum deo et beate Marie de Luffeld et monachis ibidem deo seruientibus omnes terras et tenementa cum eorum pertinenciis pannagiis et omnimodis libertatibus qualitercumque dictis terris et tenementis pertinentibus que dicti monachi de feodo meo infra villam de Saldeston et extra habent et in posterum quocumque modo sunt adquisituri uel habendi in liberam puram et perpetuam elemosinam Tenend et habend dicta tenementa cum terris reditibus mesuagiis et eorum tenentibus escaetis et iuribus omnimodis pertinenciis pratis et pascuis cum omnibus suis libertatibus commodis et aisiamentis pannagiis dictis terris et tenementis pertinentibus adeo libere et quiete ac pure ab omnibus curiarum sectis et secularibus seruiciis exaccionibus et omnimodis demandis que ullo modo uel ullo iure uel aliquo casu contingente ab aliquo homine uel ab aliqua femina nomine dictorum tenementorum ac terrarum et earum tenencium ac pertinencium exigi poterunt saluo tamen domino regi seruicio pro dictis tenementis et terris sibi debito Et ego vero dictus Willelmus Bayuel et heredes mei dictas terras et tenementa cum mesuagiis et eorum tenentibus pratis pannagiis pascuis et earum pertinenciis sicut predictum est dictis monachis et eorum successoribus contra omnes gentes sicut puram et perpetuam elemosinam warantizabimus aquietabimus et ubicumque inperpetuum defendemus Et ut hec mea concessio et presentis scripti mei confirmacio rata et stabilis inperpetuum perseueret huic presenti scripto sigillum meum apposui in testimonium Hiis testibus domino Symone de sancto Lycio Iordano de Westbur fratre suo Elya de Tingewik tunc forestario de Wytlewode Ricardo Grosset Willelmo de Brandeston Ricardo clerico de Sylueston Waltero franckelano de Saldeston Iohanne filio Augustini de eadem villa et multis aliis
Source (click image below to view full size)
