Charter Document - 03590478
| Charter Number: | 03590478 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 - 1268 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus Bayuel dominus de Saldeston dedi concessi et hac presenti carta mea confirmaui deo et beate Marie de Luffeud et monachis ibidem deo seruientibus pro salute anime mee et Royse vxoris mee et omnium antecessorum et successorum meorum vnam virgatam terre cum vna dimidia acra cum pertinentiis in campis de Saldeston excepto mesuagio cum crofto illam videlicet quam Henricus Cubbel quondam tenuit Tenendam et habendam dictam virgatam terre et dimidia acra cum pertinentiis de me et heredibus meis uel meis assignatis dictis monachis et eorum successoribus in liberam puram et perpetuam elemosinam adeo libere et quiete sicut aliqua elemosina melius uel liberius poterit dari uel teneri saluo forinseco seruicio domini regis quantum ad tantam terram pertinet Ego uero dictus Willelmus Bayuel et heredes mei uel mei assignati dictam virgatam terre cum dimidia acra cum pertinenciis ut ante dictum est dictis monachis de Luffeld et eorum successoribus contra omnes gentes warantizabimus aquietabimus ac inperpetuum defendemus Vt autem hec mea donatio concessio et carte mee confirmacio rata et stabilis inperpetuum permaneat huic presenti scripto sigillum meum apposui in testimonium Hiis testibus domino Willelmo de Streford milite domino Symone de sancto Lycio milite Ricardo Grusset Iordano de sancto Lycio Ada de Chinnor de Saldeston Waltero frankelano Iohanne filio Augustini eiusdem uille et aliis multis
Source (click image below to view full size)
