Charter Document - 03590472
| Charter Number: | 03590472 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1260 - 1270 |
| Date type: | Assigned |
| Resource Link(s): |
|
Charter:
Nouerint vniuersi presens scriptum visuri uel audituri quod cum inter abbatem et conuentum de Bitlisden ex parte vna et priorem et conuentum de Luffeld ex altera super quibusdam peticionibus mortuariorum liberorum hominum dicti abbatis et conuentus de parochia de Eversawe decedencium materia quouis fuisset exorta demum communibus amicis interuenientibus ad materiam litium amputandam inter eos in hunc modum amicabiliter conuenit videlicet quod predictus prior ab ista hora in antea de primo libero homine dicti abbatis decedente melius auerium nomine capelle sue de Euersawe percipiet abbas predictus secundum melius De secundo uero homine libero dicti abbatis de dicta parochia decedente dictus abbas primum melius auerium percipiet prior uero et conuentus de Luffeld secundum melius et sic deinceps Si uero contingat quod aliquis de liberis hominibus dicti abbatis tantum vnicum auerium habens viuum in fata decedat dictum auerium seu eius estimacio inter dictas partes dividatur Ad istam autem conuencionem sine dolo et fraude obseruandam partes predicte unanimiter consenserunt Et ut ista conuencio rata et stabilis permaneat utraque pars predicta huic scripto in modum cirographi confecto sua mutuo apposuere sigilla Hiis testibus Helia de Tingwihc Ricardo Grusset Willelmo filio Willelmi de Stratford Radulfo de Langeport Roberto le Mareshal de eadem Gilberto de Mortune Hugone carpentario de Heuersawe Hosberto carpentario de eadem et aliis
Source (click image below to view full size)
