Charter Document - 03590470

Vniuersi noscant Christi fideles hanc indenturam visuri vel audituri quod cum Willelmus de Northampton capellanus dictus ad crucem Linc dyocesis inpetrasset ad curiam romanam quandam inpetracionem contra religiosos viros priorem et conuentum de Luffeld dicte dyocesis vt sibi ministrarent vite sue necessaria secundum illius decretalis virtutem cum secundum appellum Tandem dictus Willelmus prouisionibus ac inpetracionibus omnimodis impetratis seu impetrandis contra religiosos predictos necnon iuri sibi competenti seu quoquomodo competitura per easdem inpetraciones seu per alias infuturum coram venerabili viro magistro Rogero Scuret venerabilis viri domini archidiaconi Bucke officiale et in dicta prouisione venerabilis patris domini Iohannis dei gracia Linc episcopi commissario et sacrosancte sedis romane notario et coram discreto viro magistro Gilberto de Buckam sacrosancte sedis antedicte notario et aliis multis clericis et layicis habita deliberacione pure sponte et absolute renunciauit per presentes Predictas vero inpetraciones coram predictis magistris et notariis cognouit esse falsas et nullas et omnino vanas et defectiuas vt patet per suam renunciacionem inde factam et sigillo officialitatis Bucke sigillatam Tandem ad instanciam amicorum dicti religiosi concesserunt dicta Willelmo ad terminum vite sue vel quousque per eosdem seu per alias ad aliquod beneficium ecclesiasticum fuisset promotus omnes decimas et oblaciones prouenientes ad capellam beati Nicholaii de Ewerschawe quam dicti religiosi habent et tenent in proprios vsus exceptis decimis garbarum et feni cum viuo mortuario et exceptis omnimodis decimis prouenientibus de Leholdewic manerio eorundem tam de rebus propriis quam de rebus alienis que quidem decime dictis religiosis remanebunt Dictus vero Willelmus habita deliberacione dictas decimas sibi concessas Hugoni de Westbur capellano ex licencia dictorum religiosorum termino suo durante et pro quadam summa pecunie recepta premanibus vendidit et concessit sine vllo retenimento cum omni onere et honore Dictus vero Hugo pro dicta licencia habenda remisit dictis religiosis omnem actionem alicuiusque debiti vel contractus ab inicio mundi vsque confeccionem presencium tam in scriptis contentis quam sine Insuper dictus Hugo corporale perfecit sacramentum quod dictos religiosos occasione prouisionum seu inpetracionum quarumcumque de cetera nusquam grauabit seu vexabit nec aliquos in verbo sacerdocii procurabit quoquomodo ad inpetrandum aliqualiter contra eosdem Omnia onera ordinaria et extraordinaria officium suum et capellam predictam tangencia et cetera omnia que in scripto dicti Willelmi continentur ad modum dicti Willelmi sumptibus suis et labore sustinebit sacramento supradicto gratum et fidelem versus dictos religiosos de cetera se habebit Et si contingat se contra premissa quoquomodo venire vult et concedit quod publice sit habitus et conuictus pro periuro infame ingrato et excommunicato non obstante aliquo priuilegio impetrato seu impetrando Promisit eciam insuper castitatem sobrietatem modestiam mansuetudinem et iusticiam diligere et omnia mala despicere nouum hominem induendo Dicti autem religiosi ex eorum gracia spesciali concesserunt dicto Hugoni capellano quam diu in predicta capella ministraverit et predicta onera sustinuerit ad emendacionem porcionis sue vnam domum in Ewerschawe pro mancione sua que sita est inter domum Galfridi de Halse et Henrici Haubon et duo quarteria frumenti et vnum quarterium drageti annuatim de eisdem percipienda ad festa sancti Michaelis et annunciacionis sancte Marie per equalem porcionem In cuius rei testimonium huic presenti indenture sigilla parcium alternatim sunt appensa Dat apud Luffeld die dominica proxima post festum sancti Mathii apostoli anno domini m tricentesimo septimodecimo