Charter Document - 03590465
| Charter Number: | 03590465 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Release, Quitclaim |
| Date: | 1330 |
| Date type: | Internal, Feast, Regnal |
| Resource Link(s): |
|
Charter:
Pateat vniuersis per presentes quod nos Iohannes filius Roberti carpentarii de Euerschawe et Iohanna vxor eiusdem Iohannis remisimus relaxauimus et omnino pro nobis heredibus executoribus et assignatis nostris quibuscumque quietum clamauimus religiosis viris priori et conuentui de Luffeld et eorum successoribus totum ius et clamium quod habuimus uel aliquo modo habere poterimus in manerio del Oldewyk cum quodam stockyng extra portam eiusdem manerii quod quidem manerium cum dicto stockyng cepimus per quoddam scriptum indentatum de dictis religiosis ad terminum vite inde nobis confectum Ita quod nec nos nec aliquis nostrum heredes executores assignati nostri quicumque fuerint neque aliquis alius iure seu nomine nostro aliquid iuris seu clamii in dicto manerio nec in dicto stockyng decetero exigere poterimus nec calumpniare set ab omnibus calumpniis et demandis quibuscumque inperpetuum simus exclusi per presentes In cuius rei testimonium huic relaxacioni et quieta clamancie sigilla nostra apposuimus Hiis testibus Iohanne le porter [Gilberto le fissher] de Euerschawe Waltero Hardel Symone Sewy de Westbury Iohanne frankeleyn de Schaldeston et aliis Dat apud Euerschawe die iouis proxima ante festum Epiphanie domini anno regni regis Edwardi tercij post conquestum tercio
Source (click image below to view full size)
