Charter Document - 03590464
| Charter Number: | 03590464 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Acknowledgment |
| Date: | 1281 - 1287 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum peruenerit Willelmus filius quondam Iohannis Roche de Eversawe salutem in domino sempiternam Nouerit vniuersitas vestra me et heredes meos uel assignatos meos teneri priori de Luffeld et eiusdem loci conuentui in duobus solidis argenti per annum pro quodam mesuagio et pertinenciis suis videlicet illud mesuagium quod predicti prior et conuentus mihi concesserunt in eadem villa scilicet ad festum sancti Michaelis octo denarios et ad festum purificacionis beate Marie octo denarios et ad Pentecosten octo denarios sine ulteriori dilacione Et si contingat quod predictus Willelmus uel heredes sui uel assignati sui in predicta solucione deficiant predicti prior et conuentus habeant potestatem districcionem faciendam in domo et extra sine aliquo inpedimento In cuius rei testimonium sigillum meum apposui Hiis testibus Iohanne Raynes Galfrido Strot Nicholao carpentario Willelmo Caperun de Saldestone Willelmo fabro de eadem et multis aliis
Source (click image below to view full size)
