Charter Document - 03590462
| Charter Number: | 03590462 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1245 - 1247 |
| Date type: | Assigned |
| Resource Link(s): |
|
Charter:
Sciant presentes et futuri quod ego Hugo filius Nicholai de Euereshawe dedi et concessi et hac presenti carta mea confirmaui Ade filio Roberti pistoris de Shaldeston pro homagio et seruicio suo tres acras terre mee cum pertinenciis in campis de Euereshawe scilicet duas acras super Waltfurlong que continent nouem seiliones et iacent inter terras monachorum domus sancte Marie de Bitlesden vnam acram que se extendit super les Waue predictorum monachorum et iacet inter terram Nicholai Cuneheu et terram meam Habend et tenend de me et heredibus meis sibi et heredibus suis vel cuicumque et ubicumque et quandocumque siue domui religionis uel alibi dare legare uendere uel assignare uoluerit libere et quiete bene et in pace in omnibus communis Reddendo inde annuatim michi et heredibus meis ille et heredes sui siue sui assignati vnum parem albarum cyrothecarum uel unum denarium die Pasche pro omnibus seruiciis secularibus consuetudinibus et demandis que a terra vel pro terra exigi possint Ego vero Hugo et heredes mei predictas tres acras terre cum pertinenciis dicto Ade et heredibus suis siue suis assignatis ut predictum est per predictum seruicium warantizabimus et de omni regali seruicio preter sectam duorum magnorum hundredorum defendemus inperpetuum contra omnes gentes Et si forte contigerit quod ego et heredes mei dictas tres acras terre cum pertinenciis dicto Ade et heredibus suis vel suis assignatis warantizare non poterimus dabimus eidem Ade siue suis assignatis escambium ad valorem tante terre in campis de Euereshawe Pro hac autem donacione concessione et presentis carte mee confirmacione dedit michi dictus Adam quadraginta solidos esterlingorum premanibus Et ut hec mea donacio concessio et presentis carte confirmacio rate et stabiles inposterum perseuerent presentem cartam sigilli mei inpressione roboraui Hiis testibus domino Willelmo Bayuel Willelmo de Euereshawe Henrico de Schaldeston Willelmo franceys de Schaldeston Roberto le Waleys de eadem villa Waltero frankelano de eadem Gilberto Likewart de Westbyr Rogero le fiankelein de Stratford Petro cissore de Shaldeston Hugone carpentario de Euereshawe et aliis
Source (click image below to view full size)
