Charter Document - 03590459
| Charter Number: | 03590459 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1210 - 1220 |
| Date type: | Assigned |
| Resource Link(s): |
|
Charter:
Sciant presentes et futuri quod ego Radulfus filius Hugonis de Heuersawe concessi et hac presenti carta mea confirmaui Ade filio Turgis pro quatuor solidis argenti et vno quartero de frumento de tribus solidis vnam dimidiam virgatam terre in Euersawe quam pater meus Hugo de Euersawe ei cartrauit pro homagio et seruicio suo sicut carta Hugonis patris mei testificat scilicet illam virgatam terre quam Hugo filius Nicholai tenuit cum mesuagio et cum prato et cum omnibus pertinentiis suis que ad illam dimidiam uirgatam terre pertinent vnde vna acra iacet iuxta Walterum le careter et tres acre iacent iuxta Hugonem forestarium ad pratum de Dinwell et vna acra iacet iuxta Fildenestrete scilicet in campo uersus orientem et vna acra iacet contra fontem Hugonis forestarii iuxta Nicholaum filium capellani et dimidia acra abutat contra Helreues scilicet inter Radulfum Keping et Yngrid vidua et dimidia acra furcat in Eueremedwe inter Radulfum Keping et Matheum et tres acre iacent uersus molendinum de vento inter Radulfum bastardum et Matheum in campo uersus occidentem Reddendo inde per annum tres solidos ad duos terminos in festo sancti Crucis proximo post Pascha decem et octo denarios in festo sancti Michaelis decem et octo denarios et pro seruicio de tribus seruientibus ad vnam diem operantes ad prandium meum scilicet ad meum bedrippum ita quod predictus Adam filius Turgis et vxor eius comedunt mecum ad illum diem pro predicto seruicio Tenendam et habendam de me et heredibus meis sibi et heredibus suis libere et quiete in bosco et in plano in pratis in pascuis in semitis et in viis et cum quietancia de pannagio et sicto de comitatu et hundredo et de heildheild et in omnibus libertatibus sine omni exaccione Hanc uero predictam dimidiam uirgatam terre cum omnibus pertinentiis suis prenominatis ego predictus Radulfus filius Hugonis predicto Ade et heredibus suis pro me et heredibus meis suis contra omnes gentes imperpetuum warantizabimus Ita quod predictus Adam filius Turgis poterit dare uel vadiare ubicunque uoluerit saluo seruicio meo et sciendum est quod post obitum predicti Ade vxor eius tenebit terram quietam de releuio et ut hec concessio rata et stabilis permaneat sigillo meo coroboraui Hiis testibus domino Radulfo Harang Radulfo filio suo Willelmo Baiuel Willelmo filio suo Roberto Baiuel Roberto de Hauerttona Waltero Bastardo Hugone filio suo Willelmo de Hauerttona Willelmo ruffo Rogero frankelano et pluribus aliis
Source (click image below to view full size)
