Charter Document - 03590452
| Charter Number: | 03590452 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1221 - 1225 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Walteri filij Pagani de Euersawe dedi et concessi et hac presenti carta mea confirmaui Luce clerico de Lillingstan unam acram terre et dimidiam in Euersawe cum omnibus pertinentijs illam acram terre et dimidiam scilicet proximiores dimidie acre terre monachorum de Luff apud austrum Tenendum et habendum iure hereditario de me et de heredibus meis sibi et cuicumque assignare uoluerit libere et quiete in boscis in planis in vijs in semitis in pasturis et in omnibus locis et libertatibus ab omnibus seruicijs et consuetudinibus et exaccionibus et secularibus demandis que ad me uel ad heredes meos pertinent saluo forinseco seruicio domini regis quantum pertinet ad illam terram Soluendo inde annuatim michi et heredibus meis unum denarium in die Pasce pro omni seruicio Pro hac siquidem donatione et concessione dedit michi predictus Lucas clericus xvi solidos et viij denarios argenti in gersumia et matri mee Lorette xij denarios Ego uero et heredes mei predicto Luce clerico et eius assignatis predictam terram cum omnibus pertinentijs contra omnes gentes warantizabimus inperpetuum Vt autem hec mea donacio et concessio rata et stabilis inperpetuum perseueret hoc presens scriptum sigilli mei inpressione dignum duxi confirmare Hijs testibus Radulfo capellano de Euersawe Stephano capellano Willelmo de Euersawe Roberto Baiuel Radulfo de Langeport Hugone Karles Willelmo filio eius Waltero le frankelein Hugone filio Hugonis Roberto de Billing et alijs
Source (click image below to view full size)
