Charter Document - 03590442
| Charter Number: | 03590442 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 - 1268 |
| Date type: | Assigned |
| Resource Link(s): |
|
Charter:
Noscant vniuersi hoc scriptum visuri vel audituri quod ego Hugo filius Roberti quondam rectore ecclesie de Saldeston dedi et concessi et hoc presenti scripto meo confirmaui vnum obolatum redditus vnius dimidie acre in campo de Euershawe cum pertinencijs deo et beate Marie de Luffelde et monachis ibidem deo seruientibus pro salute anime mee et omnium antecessorum et successorum meorum scilicet illam dimidiam acram terre cum pertinencijs quam vendidi Hugoni mercatori de Saldeston Preterea concessi et confirmaui pro me et heredibus meis dictam dimidiam acram terre cum omnibus pertinencijs dictis monachis et eorum successoribus in liberam puram et perpetuam elemosinam adeo libere et quiete sicuti aliqua elemosina melius vel liberius poterit dari vel teneri Ego uero dictus Hugo et heredes mei dictam dimidiam acram terre cum pertinencijs et cum dicto redditu sicut predictum est contra omnes gentes et feminas warantizabimus defendemus acquietabimus et ab omnibus indempnes conseruabimus Vt autem hec mea donacio concessio et presentis scripti mei confirmacio firma et stabilis perseueret huic presenti scripto sigillum meum apposui in testimonium Hijs testibus domino Willelmo Baiuel milite de Saldeston Willelmo frankelano eiusdem ville Hugone carpentario de Euershawe Osberto carpentario eiusdem ville Iohanne Roche et multis alijs
Source (click image below to view full size)
