Charter Document - 03590435
| Charter Number: | 03590435 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1200 - 1205 |
| Date type: | Assigned |
| Resource Link(s): |
|
Charter:
Sciant presentes et futuri quod ita conuenit inter priorem et monachos de Luffeld et Hugonem de Euersawe scilicet quod tradiderunt eidem H et heredibus suis illam dimidiam hydam terre in Euersawe quam tenuerunt in dominico ex donacione Radulfi patris predicti H in liberam elemosinam tenendam de predictis monachis et eorum successoribus dicto H et heredibus suis pro homagio suo Reddendo inde annuatim iiij solidos et viij denarios pro omnibus seruiciis ad dictos monachos pertinentibus saluo forinseco seruicio et releuio predicte dimidie hyde terre quod seruicium idem Hugo et heredes sui facient capitali domino W de Bello Campo donec predicti monachi idem seruicium uersus capitalem dominum adquisierunt contra quod seruicium dictus H non erit neque heredes sui et extunc illud seruicium prefatus H et heredes sui predictis monachis facient in perpetuum Et ita omnes querele que tunc fuerunt exorte inter illos super forinseco seruicio dicte dimidie hide terre in pace remanserunt Hanc autem conuencionem tam prior et monachi quam Hugoi sigillorum suorum testimonio confirmauerunt His testibus A abbate de Betlesd Willelmo Baiuel Willelmo filio eius Roberto Baiuel Ricardo filio Walteri Ricardo de Dodeford Henrico de Seluest Roberto de Billing Radulfo Wither Henrico koko et alijs
Source (click image below to view full size)
