Charter Document - 03590429
| Charter Number: | 03590429 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1230 - 1242 |
| Date type: | Assigned |
| Resource Link(s): |
|
Charter:
Sciant presentes et futuri quod ego Adam le May dedi et concessi et hac presenti carta mea confirmaui deo et beate Marie de Luffelde et monachis ibidem deo famulantibus pro salute anime mee et vxoris mee et antecessorum meorum et successorum redditum duodecim denariorum de domo mea que scita est inter domum Iohannis Perte et domum Hugonis Bayli in Buckingham ad percipiendum per annum scilicet ad festum sancti Michaelis sex denarios et ad festum sancte Marie in Marcio sex denarios in liberam et puram et perpetuam elemosinam imperpetuum Concedo quod si ego vel heredes mei a solucione predicti redditus cessauerimus vt compellamur per ordinarium ecclesie de Bukingham ad solucionem predicti redditus sub pena vnius bisantii Predictum uero redditum ego et heredes mei contra omnes gentes imperpetuum warantizabimus Et vt hec mea donacio et concessio rata sit et stabilis huic presenti scripto sigillum meum in testimonium dignum duxi apponere Hijs testibus domino Waltero de Morton domino Willelmo eiusdem ville et Willelmo ianitore de Bukingham et Waltero le Brade et Thoma pistore et Luca clerico de Luffelde et Simone clerico cum multis alijs
Source (click image below to view full size)
