Charter Document - 03590425

Sciant presentes et futuri quod ego Robertus filius Walteri de Solar in uilla de Buckm dedi concessi et hac presenti carta mea confirmaui deo et ecclesie beate Marie de Luffeld et monachis ibidem deo seruientibus vnum mesuagium cum suis pertinenciis in villa de Buckm quod iacet inter mesuagium Thome de Pidenton et placeam que quondam fuit Willelmi le porter et tres acras terre cum pertinenciis in campo de Morton videlicet illud mesuagium et tres acras quas habui de dono Walteri patris mei quarum acrarum due acre et dimidia iacent super Longe Schamelforlong iuxta terram Willelmi filii domini Willelmi militis de Morton et terram Elye de Tingewik et se extendunt in altam viam que ducit uersus Stonistretford et una dimidia acra iacet subtus le Herestret iuxta terram quondam Henrici filii Roberti et terram Ricardi Gruscet et se extendit super foreram dicti Henrici in Herestret et est quarta uia que ducit uersus molendinum de Morton Tenendum et habendum dictum mesuagium cum terra prenominata et omnibus pertinenciis suis de me et heredibus meis sibi et successoribus suis libere quiete bene et in pace in liberam et perpetuam elemosinam in perpetuum Reddendo inde annuatim et faciendo dominis feodi illius omnia seruicia debita et consueta Et ego uero dictus Robertus et heredes mei dictum mesuagium et terram predictam cum pertinenciis dictis monachis et eorum successoribus contra omnes gentes warantizabimus et in perpetuum defendemus Vt autem hec mea donacio concessio et carte mee confirmacio inperpetuum perseuerent presenti carte mee inpressionem sigilli mei apposui in testimonium Hijs testibus Gilberto de Morton Ricardo Gruscet Helya Droeys Thoma Mimekan Henrico Payn Willelmo Page Rogero de Solar et aliis multis