Charter Document - 03590419
| Charter Number: | 03590419 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1270 - 1290 |
| Date type: | Assigned |
| Resource Link(s): |
|
Charter:
[Sciant presentes et futuri quod ego Rogerus de Morton] clericus et Katerina vxor mea dedimus concessimus [et presenti carta nostra confirmauimus ecclesie sancte Marie de] Luffeld et monachis ibidem deo famulantibus [sex denarios annui redditus prouenientes de quodam mesuagio in villa de Buckm quod mesuagium Willelmus Kareles] quondam tenuit et est inter [mesuagium quod Radulfus le lord] aliquando tenuit et mesuagium quod Gilbertus le Wittawere aliquando tenuit [Tenend et habend dictos] sex denarios dictis monachis et eorum successoribus libere quiete bene et in pace in liberam puram et [perpetuam elemosinam adeo] libere et quiete et pure sicuti aliqua elemosina melius uel liberius uel purius poterit [dari uel teneri Nos vero dicti] Rogerus et Katerina vxor mea et heredes nostri antedictos sex [denarios] soluebimus [dictis monachis et eorum successoribus] ad duos anni terminos videlicet ad festum sancte Marie [in Marcio] tres denarios et ad festum sancti Michaelis tres denarios scilicet pro animabus Villelmi Kareles Galfridi Alicie Roberti le Mei et Alicie et omnium antecessorum et successorum nostrorum Si autem contingat quod absit nos et heredes nostros aliquo modo uel casu contingente in solucione dicti redditus in toto uel in parte terminis prenominatis cessare tunc bene liceat dictis monachis [et eorum] successoribus et eciam balliuis domini de Buckm nomine dictorum monachorum nos distringere infra [domum et extra et maxime illum] quem dictam domum tenere contingerit Nos eciam dicti Rogerus et Katerina et heredes nostri dictos sex denarios [annui redditus] dictis monachis et eorum successoribus sicuti liberam elemosinam contra omnes gentes warantizabimus [acquietabimus] et inperpetuum defendemus Vt autem hec nostra donacio concessio et carte nostre confirmacio [inperpetuum perseueret] presenti scripto sigilla nostra apposuimus in testimonium Hiis testibus [Henrico Payn Willelmo de Thame Willelmo le Brode] Willelmo Page Iohanne le Poer Roberto clerico Rogero de Solario et aliis
Source (click image below to view full size)
