Charter Document - 03590416
| Charter Number: | 03590416 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Acknowledgment |
| Date: | 1348 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum peruenerit Ricardus de Langeport filius et heres Ricardi de Langeport salutem in domino sempiternam Vniuersitati vestre notum facio per presentes quod cum prior de Luffeld et conuentus eiusdem exegissent a me annuum redditum sex solidorum et octo denariorum pro quinque virgatis terre quas secundum religionem asserebant me tenere et antecessores meos tenuisse de eisdem per seruicium antedictum ac dictum redditum sex solidorum et octo denariorum eis aliquamdiu detenuisse minus iuste tandem amicis interuenientibus ad periculum euitandum et iusticiam faciendam fateor et concedo predictum annuum redditum dictis religiosis fore debitum et eisdem ad duos anni terminos videlicet ad festum beate Marie in Marcio et sancti Michaelis per equales porciones inperpetuum soluendum et levandum de predictis quinque virgatis terre in Langeport quas de predictis religiosis tenere clamo et quas tenentes mei partem tenent de me in bondagio videlicet Robertus Aboueton dimidiam virgatam terre Adam bercarius dimidiam virgatam terre Willelmus Lucas dimidiam virgatam terre Iohannes Henes dimidiam virgatam terre Agnes Mayfay dimidiam virgatam terre Simon le blake dimidiam virgatam terre Ricardus Mayfay vnum quarterum terre et ego residuum in dominicis meis Et ad predictum redditum dictis religiosis et successoribus suis ad terminos prenotatos inperpetuum annuatim persoluendum obligo me et heredes meos et predictas quinque virgatas terre quas de eis tenere fateor per seruicium antedictum cum fidelitate ad quorumcumque manus deuenerit in futurum Et ne diuturnitas temporis abusus uel mutacio tenencium terrarum predictarum posset temporibus futuris statum dictorum religiosorum in leuacione dicti redditus retardare uel eneruare ad eorum tranquillitatem et pacificam possessionem dicti redditus continuandam pro salute anime mee et antecessorum meorum volo et concedo pro me et heredibus meis quod si dictus redditus sex solidorum et octo denariorum aretro fuerit ad aliquem terminum prenominatum in parte uel in toto bene liceat priori de Luffeld qui pro tempore fuerit in omnibus terris meis de Langeport per ministrum suum distringere et districciones fugare et retinere donec de eo quod aretro fuerit sibi sit satisfactum et omnes terras meas in Langeport districcioni dicti prioris et successorum suorum in illum aduentum obligo per presentes In cuius rei testimonium sigillum meum huic scripto apposui Hiis testibus magistro Roberto Kynbell rectore ecclesie de Horwod Willelmo Kynbell Ricardo Durant Iohanne Holt Thoma de la Hay Thoma de Barton Roberto Wimund et aliis Dat apud Langeport in festo sancti Ambrosii anno regni regis Edwardi tercii a conquestu vicesimo secundo
Source (click image below to view full size)
