Charter Document - 03590404
| Charter Number: | 03590404 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1370 |
| Date type: | Internal, Feast, Regnal |
| Resource Link(s): |
|
Charter:
Die iouis in crastino sancti Dunstani episcopi anno regni regis Edwardi tercij a conquestu quadragesimo quarto ita conuenit inter fratrem Willelmum priorem de Luffelde et eiusdem loci conuentum ex parte vna et Thomam Bates de Westbury et Ricardum filium eius ex altera videlicet quod predicti prior et conuentus tradiderunt concesserunt et ad firmam dimiserunt eisdem Thome et Ricardo ad terminum vite eorum et eorum alteri diucius viuenti vnum mesuagium et octo acras terre arabilis cum omnibus suis pertinencijs in Westbury iuxta Brackele quod quidem mesuagium scituatum est inter mesuagium Willelmi Tayllor ex parte vna et mesuagium Iohannis Heywarde ex altera et quarum terrarum quatuor acre terre arabilis iacent super culturam de Brocforlonghul et vna acra iacet super culturam de Folewelhul et vna acra iacet iuxta Shaldestoneway Habendum et tenendum de predictis priore et conuentu et eorum successoribus predictum mesuagium et predictas octo acras terre cum omnibus suis pertinencijs prefatis Thoma et Ricardo ad terminum vite eorum et eorum alteri diucius viuenti Reddendo inde annuatim prefatis priori et conuentui et eorum successoribus quinque solidos argenti vel auri ad duos anni terminos videlicet ad festa sancti Michaelis et annunciacionis beate Marie equis porcionibus pro omnibus seruicijs et secularibus demandis excepto quod predicti Thomas et Ricardus post eorum decessum dabunt dictis priori et conuentui et eorum successoribus heriettum Et dicti Thomas et Ricardus toto tempore prenominato domum et claustras sumptibus eorum proprijs congrue sustentabunt Et si contingat dictum redditum quinque solidorum fore aretro in parte vel in toto ad aliquem terminum prenominatum bene liceat prefatis priori et conuentui et eorum successoribus in predictis terris et tenementis distringere et districciones retinere quousque de arreragijs simul cum dampnis plenarie fuerint satisfactum Et si contingat quod vlla sufficiens districcionem inuenire nequiuerint per vnum mensem vel si vastum factum fuerit in sustentacione domus vel si dicta terre et tenementa seu aliqua parcella earundem dimissa fuerint sine licencia dictorum prioris et conuentus et eorum successorum in omnibus supradictis terris et tenementis reingredi et retinere imperpetuum vt liberum tenementum eorum absque calumpnia seu impedimento ipsorum Thome et Ricardi Et predicti prior et conuentus et eorum successores predictum mesuagium et predictas octo acras terre cum omnibus suis pertinencijs prefatis Thome et Ricardo ad terminum vite eorum et eorum alteri diucius viuenti in forma supradicta contra omnes gentes warantizabunt et vbique defendent Ita quod post decessum dictorum Thome et Ricardi dicta terre et tenementa cum suis pertinencijs prefatis priori et conuentui et eorum successoribus integre reuertantur saluis executori ipsorum Thome et Ricardi bona et catalla sua que tunc in quacumque parte earundem terrarum et tenementorum contigerint inueniri In cuius rei testimonium vni parti huius indenture penes prefatos Thomam et Ricardum residenti dicti prior et conuentus sigillum eorum commune apposuere Alteri vero parti dicti Thomas et Ricardus sigilla sua apposuerunt Hijs testibus Iohanne Seyntlytz Rogero Bastard Rogero White Iohanne White Willelmo Tayllor et alijs Dat in domo capitulari de Luffelde die et anno supradictis
Source (click image below to view full size)
