Charter Document - 03590398
| Charter Number: | 03590398 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 - 1268 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iacobus le Sauuage filius Galfiidi le Sauuage dedi concessi et hac presenti carta mea confirmaui deo et beate Marie de Luffeld et monachis ibidem deo seruientibus pro salute anime mee et anime Amabilie vxoris mee et omnium antecessorum et successorum meorum duas acras bosci mei de Westbur cum solio et cum omnibus pertinenciis suis et libertatibus per perticam domini regis iuxta alias tres acras quas antea habuerunt de me et extendunt se a via que vocatur le Coupaht vsque ad boscum dictorum monachorum quem habent de dono domini Simonis de sancto Lycio Tenendas et habendas dictas duas acras bosci cum solio et cum omnibus pertinenciis suis de me et heredibus meis sibi et successoribus suis in liberam puram et perpetuam elemosinam adeo libere quiete et pure sicuti aliqua elemosina melius uel liberius poterit dari uel teneri ad assartandum claudendum et fossandum prout melius sibi viderint expedire absque impedimento mei uel heredum meorum Ego uero dictus Iacobus le Sauuage et heredes mei dictas duas acras bosci cum solio et cum omnibus pertinenciis suis sicut predictum est dictis monachis et eorum successoribus contra omnes gentes warantizabimus acquietabimus et inperpetuum defendemus Vt autem hec mea donacio concessio et carte mee confirmacio rata et stabilis inperpetuum perseueret huic presenti scripto sigilli mei impressionem apposui in testimonium Hiis testibus domino Symone de sancto Lycio domino Willelmo Bayuel militibus Elya de Tingewik Iohanne filio Mauricii Radulfo le Vauasur Ricardo Grusset Rogero de Stratford et multis aliis
Source (click image below to view full size)
